ក្រុមកម្មករ និងសមត្ថកិច្ច ប្រឈមមុខគ្នាលើស្ពាននាគ
សារព័ត៌មាន Cambodia News/
ភ្នំ ពេញ (០១ ឧសភា ២០១៤) ៖ នៅព្រឹកថ្ងៃទី ០១ ឧសភា នេះ ក្រុមកម្មករ កម្មការិនី ប្រមាណជាច្រើននាក់ ដែលដឹកនាំដោយសហជីពធំៗ នៅកម្ពុជា រួមជាមួយនិងសមាជិក គណបក្សសង្រ្គោះជាតិ បាននាំគ្នាធ្វើទៅសំដៅទីបរិ វេណទីលានប្រជាធិបតេយ្យ ក្នុងបំណងប្រារព្ធទិវាពលរដ្ឋកម្មអន្តរជាតិ ១ ឧសភា ខួបលើកទី១២៨។
ដំណើរចូលទៅកាន់ទីលានប្រជាធិបតេយ្យ របស់ ក្រុមកម្មករ និងសមាជិកគណបក្ស សង្រ្គោះ មិនបានសម្រេចឡើយ ព្រោះទីលានប្រជាធិបតេយ្យទាំងមូលត្រូវហ៊ុំព័ទ្ធ ដោយរបងបន្លាសលួស និងមានការយាមយ៉ាងតឹងរឹង ពីកងកម្លាំង សមត្ថកិច្ច។
ទោះបីប៉ុនប៉ងចូលទៅកាន់ទីលានប្រជាធិបតេយ្យមិនបានសម្រេចក៏ ដោយ ក៏ក្រុមកម្មករ និងសមាជិកគណបក្សសង្រ្គើជាតិ អមដោយអ្នកគាំទ្រ ជាច្រើននាក់ បាននាំគ្នាទៅប្រមូល ផ្តុំសម្តែងមតិនានា នៅលើស្ពាននាគ។
រហូត ដល់វេលា ម៉ោង៩ ព្រឹកនេះ ស្ថានភាព រវាងក្រុមអ្នកតវ៉ា និងកម្លាំងសមត្ថកិច្ច ហាក់មានការតានតឹងបន្តិច ដោយក្រុមកម្មករ បន្តក្រាញននៀលលើស្ពាននាគ ដើម្បីបញ្ចេញមតិរបស់ខ្លួន រីឯកម្លាំងសមត្ថកិច្ចអំពាវនាវ ឲ្យពួកគេដកថយ ប៉ុន្តែមិនបង្កឲ្យកើតមានជាអំពើហិង្សាអ្វីនោះទេ៕
- រូបពី Facebook
