អ្នកសារព័ត៌មាន ទូរទស្សន៍អប្សរា រងការជេរប្រមាថ ពីអ្នកភូមិបុរីកីឡា
សារព័ត៌មាន Cambodia News/
ភ្នំពេញ (២១ មេសា ២០១៤) ៖ អ្នកយកព័ត៌មាន របស់ស្ថានីយ៍ទូរទស្សន៍អប្សរា កញ្ញាយ៉ុង ខេមរា ត្រូវបានក្រុមអ្នកភូមិបុរីកីឡានាំគ្នាជេរប្រមាថ ខណៈពេលដែលកំពុងយកព័ត៌មាន នៅឯសាលាដំបូងរាជធានីភ្នំពេញ ក្នុងថ្ងៃបើកសវនាការអ្នកភូមិបុរីកីឡានៅថ្ងៃទី២១ មេសានេះ។
យោងតាមប្រភពព័ត៌មានពី វិទ្យុក្នុងស្រុក បានឲ្យដឹងថា បន្ទាប់ពីមានការដេញជេរប្រមាថ ពីសំណាក់ក្រុមប្រជាពលរដ្ឋអ្នកភូមិបុរីកីឡា ដែលកំពុងឈររង់ចាំនៅខាងក្រៅសាលាដំបូង បានធ្វើឲ្យកញ្ញាយ៉ុង ខេមរា ដែលជាអ្នកយកព័ត៌មានរបស់ស្ថានីយ៍ទូរទស្សន៍អប្សរា បានរត់ចូលក្នុងសាលាដំបូងរាជធានីភ្នំពេញ ដើម្បីសុំការអន្តរាគមន៍។
គូរបញ្ជាក់ថា នៅព្រឹកថ្ងៃទី២១មេសានេះ ប្រជា សហគមន៍បុរីកីឡា ប្រមាណជាង៦០នាក់ បានលើកគ្នាមកតវ៉ា មុខតុលាការសាលាដំបូងរាជធានីភ្នំពេញ ដើម្បីទាមទារឱ្យតុលាការ ផ្តល់យុត្តិធម៌ដល់ពួកគាត់៕
