ភ្នំពេញ ចាប់ផ្ដើមស្ងាត់បណ្ដើរៗ
សារព័ត៌មាន Cambodia News/
ភ្នំពេញ (១២ មេសា ២០១៤) ៖ ចាប់តាំងពីថ្ងៃ១១ ខែមេសា និងនៅថ្ងៃនេះ ផ្ទាល់តែម្ដង ប្រជាពលរដ្ឋខ្មែរ ដែលចំណាកស្រុក មកបំពេញការងារ និងបន្ដសិក្សា នៅរាជធានីភ្នំពេញនោះ បានចាប់ផ្ដើមធ្វើដំណើរ ចាកចេញពីភ្នំពេញ ទៅស្រុកកំណើតរបស់ខ្លួន រៀងៗខ្លួន។
ដូចជា រៀងរាល់ ឆ្នាំដែរឲ្យតែមុនមួយថ្ងៃ ឬពីរថ្ងៃ នៃពិធីបុណ្យចូលឆ្នាំប្រពៃណីខ្មែរ ឈានមកដល់នោះ ប្រជាពលរដ្ឋចំណាកស្រុក តែងតែធ្វើដំណើរទៅស្រុកកំណើត ជួបជុំក្រុមគ្រួសារ ធ្វើចង្ហាន់ទៅវត្ដ និងរៀបចំដំណើរកម្សាន្ដ ទៅរមណីដ្ឋានមួយ ដែលពួកគេមានគម្រោង ថានឹងទៅ។ 
ចំណែកនៅតាមក្រសួង-ស្ថាប័ន ទាំងរដ្ឋ និងឯកជននានា បាននឹងកំពុងផ្អាក ដំណើរការងាររបស់ខ្លួន ជាបណ្ដើរៗហើយដែរ ព្រោះតែជិតដល់ ពិធីបុណ្យចូលឆ្នាំប្រពៃណីជាតិ ដែលត្រូវអនុញ្ញាត្ដឲ្យបុគ្គលិកឈប់សម្រាក។ ដូច្នេះ នៅរាជធានីភ្នំពេញ ដែលធ្លាប់តែ មានមនុស្សអ៊ូអរនោះ ហាក់ចាប់ផ្ដើមស្ងាត់បណ្ដើរៗហើយ៕