យីងឡាក់ បដិសេធ ករណីមិនគោរព អំណាចតុលាការ
សារព័ត៌មាន Cambodia News/
បាងកក៖ នាយករដ្ឋមន្រ្តី យីងឡាក់ ប្រតិកម្មនឹងការឡើងរបស់ ក្រុមឆាំងថា រដ្ឋាភិបាលមិនគោរព ការសម្រេចរបស់តុលាការ តែលោកស្រី ស្នើសុំឲ្យតុលាការវិនិច្ឆ័យដោយយុត្តិធម៌។
យោងតាមគេហទំព័រ Thai News នៅថ្ងៃ សុក្រ ទី ១១ ខែ មេសា ឆ្នាំ ២០១៤ នេះបានឲ្យដឹងថា លោកស្រី យីងឡាក់ ស៊ីណាវ៉ាត នាយករដ្ឋមន្រ្តី (ចាំផ្ទះ) បានថ្លែងថា ក្រុមប្រឆាំងតែងតែលើកឡើងថា រដ្ឋាភិបាលមិនគោរណការសម្រេចរបស់តុលាការ ក្នុង សំណុំរឿង នាយករដ្ឋមន្រ្តី ផ្លាស់ប្តូរតំណែង មន្រ្តីជាន់ខ្ពស់ ដែលក្រុមប្រឆាំងចាត់ទុកថាខុសច្បាប់នោះ ជារឿងមិនពិតនោះទេ ព្រោះកន្លងមក លោកស្រី តែងតែគោរពអំណាចរបស់តុលាការ តែស្នើឲ្យតុលាការវិនិច្ឆ័យដោយយុត្តិធម៌។
លោកស្រី យីងឡាក់ បានឆ្លើយតប នឹងបក្សប្រឆាំងថា ករណីលោក អាប់ភិស៊ីត វេចាជីវ៉ា ប្រធានបក្សប្រជាធិបតេយ្យ (បក្សប្រឆាំង ) បានស្នើឲ្យ លោកស្រី យីងឡាក់ ចុះចេញពីតំណែង គឺរដ្ឋាភិបាល មិនអាចធ្វើបាននោះទេ ព្រោះច្បាប់រដ្ឋធម្មនុញ្ញ បានចែងយ៉ាងច្បាស់ថា ក្រោយពេលការរំលាយសភា តំណែងនាយករដ្ឋមន្រ្តីត្រូវតែបន្ត រហូតដល់មានការបង្កើត រដ្ឋាភិបាលថ្មី៕
