ទេព សម្ផស្ស ល្បីមានសង្សារឧបត្ថម្ភ
សារព័ត៌មាន Cambodia News/
ភ្នំពេញ (០៩ មេសា ២០១៤) ៖ កញ្ញា ទេព សម្ផស្ស បើទោះជាតារារលកក្រោយក្តី ប៉ុន្តែអាចនិយាយបានថា គឺជាសិល្បៈការិនីមួយរូបដែលបានបណ្តុះភាពឡូយឆាយបានលឿនបំផុត ពីព្រោះក្រោយពីនាងបានប្រឡូកនឹងអាជីពសម្តែងបានតែរយៈពេលតែបីឆ្នាំ និងសម្រេចបានសមិទ្ធផលស្តួចស្តើងប្រមាណជាងបីបួនរឿងប៉ុណ្ណោះ តែនាងមានលទ្ធភាពក្តាប់បានភាពហ៊ឺហាជិៈរថយន្តទំ នើបម៉ាក BMW X5 ដែលាមានតម្លៃរាប់ម៉ឺនដុល្លារ ។
ទាក់ទិន នឹងព័ត៌មានលើកឡើងខាងលើនេះ ដំបូងឡើយ ទេព សម្ផស្ស ព្យាយាមលាក់បាំងយ៉ាងខ្លាំង និងខំគេចវេសដែរ តែនៅមិនអាចគេចផុតធ្វើឱ្យនាងធ្លាក់ចូលក្នុងទំព័រព័ត៌មានអាស្រូវ ពីរឿងមានប្រុសស្នេហ៍ជាអ្នកជួយជ្រោមជ្រែងនោះ។ ប៉ុន្តែក្រោយពីទទួលរងការរិៈគន់យ៉ាងចាស់ដៃពីសំណាក់ទស្សនិកជនមក ទេព សម្ផស្ស ក៏បានសម្រេចចិត្តទទួលស្គាល់ការពិត ដោយនាងបានចេញមុខបញ្ជាក់ថា នាងមិនចង់លាក់លៀបព័ត៌មានខាងលើនេះបន្តទៀតទេសព្វថ្ងៃនេះ គឺនាងមានសង្សារជាជនជាតិហ្វីលីពីន និងជាអ្នកមកធ្វើជំនួញនៅក្នុងស្រុកខ្មែរ ឧបត្ថម្ភពិតមែន។
ជុំវិញព័ត៌មាននេះ ទេព សម្ផស្ស ហាក់មិនមានបំណងលាក់បាំងរឿងស្នេហាដូចមុនទៀតទេ។ ចំណុចនេះនៅពេលយើងសួរបញ្ជាក់បន្ថែមថា តើចំណងស្នេហ៍កញ្ញា អាចក្លាយជាការពិត ដោយគ្រោងដឹកដៃគ្នាចូលរោងការដែរឬទេ? តារារូបស្រស់បញ្ជាក់ប្រាប់ថា ជាស្នេហ៍ពិតប្រាកដ ហើយមិនពាក់ពាក់ព័ន្ធជាមួយអ្នកទីពីរអីដែរ ដូច្នេះហើយនាងហ៊ានអះអាងថា នឹង ចង់រៀបការផងដែរ៕
