កូរ៉េខាងជើងថា ប្រធានាធិបតីកូរ៉េខាងត្បូងនិយាយពាក្យមិនបានការ
សារព័ត៌មាន Cambodia News/
កូរ៉េខាងជើង (២៨ មិនា ២០១៤) ៖ អ្នកនាំពាក្យរបស់កូរ៉េខាងជើងបានថ្លែងក្នុងពេលធ្វើសេចក្ដីថ្លែងការថាប្រសិនបើលោកស្រីប៉ាក់គុនហឺចង់ឃើញភាពរីកចម្រើននៃទំនាក់ទំនងអន្ដរកូរ៉េរវាងប្រទេសទាំងពីរដំបូងឡើយលោកស្រីគួរតែឈប់និយាយពាក្យសម្ដីមិនបានការមិនចេះខ្លាចរអែងអ្នកណាដូច្នេះគួរតែប្រើពាក្យសម្ដីប្រកបដោយឆន្ទៈនិងភាពត្រឹមត្រូវវិញ។
អ្នកនាំពាក្យរូបនេះបានបន្ដថាទោះបីជាអ្នកដទៃជាអ្នកសរសេរសុន្ទរកថាសម្រាប់លោកស្រីក៏ដោយក៏លោកស្រីគួរយល់ពីអ្វីគួរនិយាយនិងអ្វីដែលមិនគួរនិយាយដែរ។
សូមបញ្ជាក់ដែរថា ពាក្យសម្ដីដែលកូរ៉េខាងជើងខឹងសម្បារនិងប្រធានាធិបតីកូរ៉េខាងត្បូងនោះ គឺពាក្យដែលថា កូរ៉េខាងជើងឃោឃៅគ្មានសីលធម៌ និងមិនចេះជួយគ្នាទៅវិញទៅមក។ ការបោះពាក្យទៅលើលោកស្រីប៉ាក់គុនហឺ នេះទៀតសោត ធ្វើឡើងស្របពេលដែលកងទ័ពកូរ៉េខាងត្បូងនិង កងទ័ពអាមេរិក ជាច្រើនពាន់នាក់ កំពុងធ្វើសមយុទ្ធប្រចាំឆ្នាំទ្រង់ទ្រាយធំលើទឹកដីកូរ៉េខាងត្បូង។
គួររម្លឹកថាកាលពីថ្ងៃទី២៦ខែមីនាកូរ៉េខាងជើងជប៉ុនអាមេរិកបានជួបពិភាក្សាគ្នាពីបញ្ហានុយក្លេអ៊ែរនិងសកម្មភាពរបស់កូរ៉េខាងជើង ដែលតែងតែផ្គើនចំពោះការស្នើរសុំរបស់អន្ដរជាតិ។
ក្នុងកិច្ចប្រជុំកំពូលកន្លងទៅប្រទេសទាំងបីជាពិសេសអាមេរិកបានចោទកូរ៉េខាងជើងថា មានចេតនាបង្កហេតុនិងបង្កឱ្យមានចលាចលកើតឡើង។ ដូច្នេះហើយបានជារាល់ដងកូរ៉េខាងជើងតែងតែខឹងសម្បារនឹងប្រទេសដែលចោទប្រកាន់ខ្លួនហើយក៏បានបញ្ចេញប្រតិកម្មឆ្លើយតបជាញយដង៕
