ក្រុមសកម្មជនដីធ្លី ប្រមូលម្តុំគ្នាតវ៉ានៅមុខទីស្នាក់ការសហគមន៍អ៊ឺរ៉ុប
សារព័ត៌មាន Cambodia News/
ភ្នំពេញ (២៧ មិនា ២០១៤) ៖ មកដល់វេលាម៉ោង៩ព្រឹក ថ្ងៃទី២៧ ខែមិនា នេះ តំណាងសហគមន៍អ៊ឺរ៉ុប បានចេញមកទទួលញត្តិហើយ ហើយក្រុមតវ៉ា(សកម្មជនបឹងកក់ ថ្មគោល និងបុរីកីឡា) នឹងធ្វើដំណើរទៅជួបជុំគ្នានៅវត្តសាមគ្គីរង្សី សង្កាត់ស្ទឹងមានជ័យ បន្តទៀត ។
ក្រុមសកម្មជនបឹងកក់ ថ្មគោល និងបុរីកីឡា ប្រមាណ៤០នាក់ បាននាំគ្នាទៅប្រមូលផ្តុំស្រែកតវ៉ានៅមុខទីស្នាក់ការសហគមន៍អឺុរ៉ុប ស្ថិតនៅតាមមហាវិថីព្រះនរោត្តម សង្កាត់ចតុមុខ ខណ្ឌដូនពេញ កាលពីវេលាម៉ោង៨និង៣០នាទីព្រឹកថ្ងៃទី២៧ មីនា ។
បើតាមសេចក្តីរាយការណ៍បានឱ្យដឹងថា ការដែលក្រុមសកម្មជនខាងលើប្រមូលផ្តុំគ្នាស្រែកតវ៉ា បំណងសុំឱ្យសហគមន៍អឺុរ៉ុបជួយអន្តរាគមន៍ទៅរាជរដ្ឋាភិបាល ពន្លឿនដោះស្រាយជម្លោះដីធ្លីនៅបឹងកក់ចំនួន៣៧គ្រួសារ និងឱ្យមានការដោះលែង មនុស្ស២១នាក់ផ្សេងទៀត ដែលសមត្ថកិច្ចចាប់ខ្លួនអំឡុងពេលបាតុកម្មកាលពីដើមខែមករាកន្លងមកនេះ ៕
