អ្នកទោសជាច្រើននាក់ នឹងត្រូវដោះលែង ក្នុងឱកាសបុណ្យ ចូលឆ្នាំខ្មែរ
សារព័ត៌មាន Cambodia News/
ភ្នំពេញ (២៥ មិនា ២០១៤) ៖ ក្នុងឱកាសបុណ្យចូលឆ្នាំប្រពៃណីជាតិខ្មែរខាងមុខនេះ រដ្ឋមន្រ្តីក្រសួងយុត្តិធម៌ លោក អង្គ វង្សវឌ្ឍនា បានថ្លែងថា ក្រសួងនឹងធ្វើការដោះលែងអ្នកទោសប្រុស-ស្រីជាច្រើននាក់ ដែលជាប់ឃុំឃាំងនៅតាមពន្ធធនាគារនានា នៅកម្ពុជាឲ្យមានសេរីភាពវិញ។
លោក អង្គ វង្សវឌ្ឍនា បានមានប្រសាសន៍បែបនេះ ប្រាប់ក្រុមអ្នកសារព័ត៌មាន បន្ទាប់ពីបញ្ចប់សន្និសីទមួយស្តីពី ការការពារខ្លួនបណ្តោះអាសន្ន និងជំរើសផ្សេងទៀតពីការឃុំខ្លួន ដែលរៀបចំឡើងដោយក្រសួងយុត្តិធម៌ និងគណៈ មេធាវីកម្ពុជា នៅព្រឹកថ្ងៃទី២៥ ខែមីនា ឆ្នាំ២០១៤។
លោករដ្ឋមន្រ្តីបានបន្តថា «ការដោះលែងនេះ គឺយើងដោះលែងតែអ្នកទោសណា ដែលមានទោសធម្មតាប៉ុណ្ណោះ ចំពោះទោសចាប់រំលោភអនីតិជន ឃាតកម្ម និងបទល្មើសធ្ងន់ធ្ងរផ្សេងទៀត គឺយើងអត់ដោះលែងនោះទេ»៕