លោក ហ៊ុន សែន ព្រមានដល់អ្នកដឹកនាំ ឬញុះញង់ឲ្យមានបាតុកម្មកូដកម្ម
សារព័ត៌មាន Cambodia News/
ព្រះសីហនុ(២៥ កុម្ភៈ ២០១៤)៖ ក្នុងពិធីសម្ពោធដាក់ឲ្យប្រើប្រាស់រោងចក្រអគ្គិសនី ប្រើដោយថាមពលធ្យូងថ្ម នៅខេត្តព្រះសីហនុ នាព្រឹកថ្ងៃទី២៥ ខែកុម្ភៈ នេះ លោកនាយករដ្ឋមន្ត្រី ហ៊ុន សែន បានថ្លែងព្រមានដល់អ្នកដឹកនាំ ឬក៏ញុះញង់ឲ្យមានបាតុកម្មកូដកម្ម ពិសេសកូដកម្មរបស់កម្មកររោងចក្រ ដែលអាចឈានដល់ថៅកែ បិទរោងចក្រ។
កា រព្រមានរបស់លោកនាយករដ្ឋមន្ត្រីខាងលើនេះធ្វើឡើង ខណៈដែលមេដឹកនាំសហជីពកម្មករ និងអង្គការសមាគមមួយចំនួន បានអំពាវនាវឲ្យកម្មកររោងចក្រ ធ្វើពហិការ មិនធ្វើការថែមម៉ោង ចាប់ពីថ្ងៃទី២៤កុម្ភៈ មុននឹងឈានដល់កូដកម្ម មិនធ្វើការ នៅថ្ងៃទី១២មីនា។
លោក ហ៊ុន សែន បន្តថា ការទាក់ទាញឲ្យគេមកវិនិយោគមួយៗ នៅកម្ពុជា គឺលំបាកណា ទំរាំតែគេមកដាក់ទុន ដូចជា វារីអគ្គិសនី ឬក៏បើករោងចក្រកាត់ដេរ ជាដើម។ ដូច្នេះបើសិនជា ធ្វើបាតុកម្ម កូដកម្ម ហើយនាំដល់ការបិទរោងចក្រ នោះត្រូវទៅរករឿងអ្នកដឹកនាំ ឬក៏អ្នកញុះញង់ ឲ្យមានបាតុកម្ម ដែលនាំឲ្យកម្មករ មិនមានការងារធ្វើ៕
