ក្រុមសហជីពកម្មករងើបតវ៉ាជាថ្មីទាមទារប្រាក់ឈ្នូល ១៦០ដុល្លារសាជាថ្មី
សារព័ត៌មាន Cambodia News/
ភ្នំពេញ(២៤ កុម្ភៈ ២០១៤)៖ ក្រោយការស្ងប់ស្ងាត់មួយរយៈពីការទាមទារប្រាក់ឈ្នួល ១៦០ដុល្លារ របស់កម្មករ និងទាមទារអោយដោះលែងជនជាប់ឃុំទាំង ២១នាក់ ថ្មីៗនេះ តំណាងសហជីពកម្មករចំនួន ១៨ បានគំរាមធ្វើកូដកម្មទ្រង់ទ្រាយធំទូទាំងប្រទេសនៅខែមីនា ឆ្នាំ២០១៤ខាងមុខ។
ការគំរាមនេះធ្វើឡើងបន្ទាប់ពីភាគីនិយោជក តំណាងដោយសមាគមរោងចក្រកាត់ដេរនៅ កម្ពុជា រក្សាជំហរមិនចរចា។ ចាប់ផ្តើមពីពេលនេះតទៅ រហូតដល់ថ្ងៃទី១៩ ខែមីនា សហជីពកម្មករមួយក្រុមបានប្រកាសយុទ្ធសាស្រ្ត ដាក់គំនាប ដើម្បីសម្រេចគោលដៅរបស់កម្មករ។
ដោយឡែក ក្រុមសហជីពកម្មករដែលគំាំទ្រនយោបាយរបស់រដ្ឋាភិបាល បានប្រកាសហើយថា មិនចូលរួមជាមួយនឹងសកម្មភាពនេះទេ។ ទោះបីជាយ៉ាងណា អ្នកជំនាញខាងច្បាប់ការងារណែនាំថា និន្នាការទាមទារបែបនេះ មិនមែនកើតមានត្រឹមតែវិស័យរោងចក្រកាត់ដេរ ប៉ុណ្ណោះទេ ដូច្នេះ រដ្ឋាភិបាលគួរតែពិចារណារកដំណោះស្រាយដើម្បីកំណត់គោល នយោបាយប្រាក់ឈ្នួលអប្បបរមាមួយ និងរៀបចំផែនការអនុវត្តវិស័យណាមួយជាអាទិភាពផងដែរ៕