យកម៉ូតូ ទៅដូរកាំភ្លើង រាកៃរងរបួសទាំងពីរនាក់
សារព័ត៌មាន Cambodia News /
ភ្នំពេញ(០៣ កុម្ភៈ ២០១៤) ៖ កាលពីវេលា ម៉ោង ១និង២០នាទី រសៀលថ្ងៃទី០៣ ខែ កុម្ភៈ ជនរងគ្រោះ ២នាក់ ម្នាក់បានរងរបួសធ្ងន់ ទាំងពីរនាក់ ក្រោយពីផ្ទុះអាវុធម៉ាក កា៥៤ នៅពេលដែលពួកគេទាំងពីរនាក់ កំពុងសាក កាំភ្លើងមុនពេលដោះដូររវាងម៉ូតូ និងកាំភ្លើង ស្ថិតនៅផ្ទះជួសជុលម៉ូតូ លេខ ៤៦ ភូមិទួលរកា១ សង្កាត់ចាក់អង្រែ ក្រោម ខណ្ឌមានជ័យ ។
ជនរងគ្រោះទាំងពីរនាក់ ម្នាក់ឈ្មោះ អែល ហាលី អាយុ ៤៤ឆ្នាំ ជា មន្ដ្រីនគរបាលការិយាល័យបុគ្គលិក នៃស្នង ការដ្ឋាននគរបាលខេត្ដកណ្ដាល រងរបួស ត្រង់ត្រគៀក និងជាម្ចាស់កាំភ្លើងខ្លី និងជន រងគ្រោះម្នាក់ទៀត ឈ្មោះ អ៊ុយ សានកិត្យា អាយុ ៣២ឆ្នាំ មុខរបរ ជាជាងជួសជុលម៉ូតូ រស់នៅផ្ទះកើតហេតុខាងលើនេះ ។
យោងតាមប្រភពព័ត៌មានពីសមត្ថកិច្ច មូលដ្ឋាន បានឱ្យដឹងថា មុនពេលកើតហេតុ ជនរងគ្រោះ អ៊ុយ សានកិត្យា បានយកម៉ូតូ របស់ខ្លួនម៉ាកសេដេ ទៅដូរយកកាំភ្លើងខ្លីពី ជនរងគ្រោះ អែល ហាលី ប៉ុន្ដែ មិនដឹងថា យកទៅធ្វើអ្វីនោះឡើយ ។ នៅពេលដែល ពួកគេទាំងពីរនាក់ កំពុងតែកាន់កាំភ្លើង ស្រាប់តែរាកៃផ្ទុះបណ្ដាលឱ្យជនរងគ្រោះ អ៊ុយ សានកិត្យា ចំប្រអប់ដៃ រីឯជនរង គ្រោះ អែល ហាលី ត្រូវត្រគៀក ។
បើតាមជនរងគ្រោះ បាននិយាយថា ការផ្ទុះអាវុធគឺកើតឡើង១គ្រាប់ប៉ុណ្ណោះ ប៉ុន្ដែ សមត្ថកិច្ចមិនទាន់ទទួលយកបាននៅឡើយទេ ដោយអះអាងថា ប្រហែលជា ២ គ្រាប់ឡើងទៅ ។ ក្រោយកើតហេតុជនរង គ្រោះទាំងពីរនាក់ ត្រូវបានរថយន្ដសង្គ្រោះ បន្ទាន់ ដឹកយកទៅព្យាបាលនៅមន្ទីរពេទ្យ រុស្ស៊ី ។
យ៉ាងណាចំពោះករណីផ្ទុះអាវុធខាង លើនេះ កម្លាំងសមត្ថកិច្ចជំនាញបាន និង កំពុងធ្វើការស្រាវជ្រាវបន្ដទៀត ពីព្រោះ មានការសង្ស័យច្រើនទៅលើជនរងគ្រោះ ទាំងពីរ ដែលមានការដោះដូរកាំភ្លើង និង ម៉ូតូ។
