អ្នកសាង់សង់សំណង់ដួលរលំស្លាប់មនុស្សនៅបង់ក្លាដេសទម្លាក់កំហុសទៅលើម្ចាស់អគារ
ស្ថាបត្យករម្នាក់នៅក្នុងប្រទេស បង់ក្លាដេស ដែលមានចំណែកក្នុងការសាងសង់អគារមួយដែលដួលរលំនិងបណ្ដាលឲ្យ មនុស្សជាង៥៧០នាក់ស្លាប់កាលពីសប្ដាហ៍មុននោះ និយាយថា អគារនោះបានកសាងឡើងសម្រាប់ប្រើប្រាស់ជាផ្សារទំនើបនិងជា ការិយាល័យប៉ុណ្ណោះ មិនមែន សម្រាប់ប្រើជារោងចក្រនោះទេ។
ស្ថាបត្យករ លោក Masood Reza បានចោទប្រកាន់ម្ចាស់អគារ គឺលោក Sochel Rana ថាមិនបានយកចិត្តទុកដាក់លើមូលដ្ឋាននៃសម្ព័ន្ធវិស្វកម្ម ដែលនាំឲ្យឈានទៅដល់ការកើតមានឡើងនូវសោកនាដកម្មឧស្សហកម្មមួយដែល មានភាពធ្ងន់ធ្ងរបំផុតសម្រាប់ប្រទេសនេះ។
លោកបន្តទៀតថា ក្រុមហ៊ុនរបស់លោកបានធ្វើរចនាបទផ្សារទំនើបដែលមានឈ្មោះថា Rana Plaza កាលពីឆ្នាំ ២០០៤ ហើយគម្រោងដើមនៃការសាង់សង់គឺការមានអគារមានកម្ពស់៦ជាន់ ប៉ុណ្ណោះ និងមិនមានគោលបំណងឲ្យទ្រទម្ងន់ក្បាលម៉ាស៊ីនភ្លើងឡើយ។
ស្ថាបត្យករ រូបនេះ ចោទប្រកាន់ទៀតថា តំណាក់កាលនៃការគូសប្លង់សំណង់អគារនេះ ខ្លួនមិនបានគេប្រាប់អំពីគោលបំណងប្រើប្រាស់សម្រាប់ជារោងចក្រ សម្លៀកបំពាក់ឡើយ។
ឥឡូវនេះ ម្ចាស់អគារនេះ កំពុងតែរងបទចោទប្រកាន់ពីការស្លាប់មនុស្សដោយសារការធ្វេសប្រហែស និងការបំពានច្បាប់សំណង់៕(Radio Australia)