គង់ ច័ន្ទស្រីមុំ ធ្វើឲ្យប្រុសៗ ជ្រួលជ្រើម
សារព័ត៌មានយុវវ័យថ្មី and Cambodia News /
ភ្នំពេញ(២៧ មករា ២០១៤)៖ ស្របពេលឱកាសចេញទៅសម្តែង លើទឹកដីប្រទេសអូស្ត្រាលី របស់នាង គង់ ច័ន្ទស្រីមុំ កាន់តែរំកិល ឈានចូលមក ជិតដល់ ក្នុងពេលដ៏ឆាប់ៗខាងមុខនេះ ត្រូវបានប្រភពបង្ហើប ឲ្យដឹងមកថា តារាសម្តែង គង់ ច័ន្ទស្រីមុំ មិនត្រឹមតែមានឈ្មោះ ល្បី នៅក្នុងស្រុកខ្មែរប៉ុណ្ណោះទេ គឺនាងក៏ជាតារាស្រី មួយរូបលេចធ្លោ ប្រជាប្រិយភាព និងទទួលបានការគាំទ្រយ៉ាងច្រើន ពីសំណាក់ខ្មែររស់នៅក្រៅប្រទេស។
ចំពោះកា រចេញទៅបង្ហាញសមត្ថភាព ជាលើកដំបូង លើទឹកដីប្រទេសអូស្ត្រាលី របស់ គង់ ច័ន្ទស្រី មុំ នេះ ទើបធ្វើឱ្យមហាជន ជាអ្នកគាំទ្រ ជាអាណិកជនខ្មែរ រស់នៅទីនោះទាំងប្រុស -ស្រី មានអារម្មណ៍រំជើបរំជួល ទន្ទឹងរង់ចាំមើលការបង្ហាញវត្តមាន របស់តារាស្រីរូបនេះ នៅលើដែនកោះប្រទេសអូស្ត្រាលី នាអំឡុងពាក់កណ្តាល ខែកុម្ភៈ ឆ្នាំ២០១៤ខាងមុខនេះ។
ប្រភពបានឱ្យដឹងបន្តទៀតថា ក្រោយពីមានព័ត៌មាន អំពីដំណើរឆ្លងទ្វីបរបស់នាង គង់ ច័ន្ទស្រីមុំ ទៅសម្តែងលើ ដែនដីប្រទេសអូស្ត្រាលី នាអំឡុងខែកុម្ភៈខាងមុខ ដំណឹងនេះបានធ្វើឱ្យប្រជាពលរដ្ឋអាណិកជនខ្មែរ រស់នៅទីនោះ ស្ទើរគ្រប់វ័យមិនថាប្រុស ឬស្រីនោះឡើយ គឺមានបំណងរង់ចាំទទួលស្វាគមន៍ ចំពោះការបង្ហាញវត្តមានរបស់ តារាស្រីរូបនេះ ទាំងអារម្មណ៍សប្បាយ រីករាយ។
មិនត្រឹមតែ ប៉ុណ្ណោះ រាល់ថ្ងៃក៏កំពុងតែមានក្រុមកន្លង់ជាបុរសៗ សម្បូទ្រព្យច្រើននាក់ អន្ទះសារ ចាំមើលការ បង្ហាញរាង ព្រមជាមួយការបញ្ចេញសម្រស់ស្រស់សោភា ដ៏សែនទាក់ទាញរបស់ គង់ ច័ន្ទស្រីមុំ នៅលើទឹកដីប្រទេសអូស្ត្រាលី ទៀតផង។
គង់ ច័ន្ទស្រីមុំ នឹងធ្វើដំណើរចេញទៅសម្តែង នៅប្រទេសអូស្រ្តាលី ជាលើកដំបូង នៅអំឡុង ពាក់កណ្តាលខែកុម្ភៈ ឆ្នាំ២០១៤ ព្រមជាមួយតារាប្រុស- ស្រី របស់ខ្មែរមួយចំនួនទៀត។ សូមបញ្ជាក់ថា អតីតស្រីស្អាតប្រចាំ ឆ្នាំ២០០៨ តារាសម្តែងស្រីវ័យក្មេងសាច់សខ្ចីនិយមបង្ហាញ ដើមទ្រូងដ៏សែន ម៉ដ្ឋរលោង គង់ ច័ន្ទស្រីមុំ ថ្មីៗនេះ ទើបទទួលពានមនោសញ្ចេតនា ឆ្នើមបែបយុវវ័យ ពីកម្មវិធី Apsara Award បន្ថែម លើពានតារាសម្តែង ស៊ីវិល័យពីកម្មវិធី អាណាចក្រតារា៕
