ក្រុមខ្ទើយប្រមាថវាយក្បាលលោក ហ៊ុន សែន នឹងស្បែកជើង
សារព័យ៌មាន Cambodia News /
ភ្នំពេញ (២២ មករា ២០១៤)៖ នេះទំនងជាលើកដំបូងហើយដែលគេមើលឃើញថា មានបុរសស្រឡាញ់បុរស (ខ្ទើយ) មួយក្រុមបានជេរប្រមាថយ៉ាងធ្ងន់ៗដល់លោកនាយករដ្ឋមន្រ្តី ហ៊ុន សែន និងភរិយារបស់លោកជាសាធារណៈ។
ក្រុមបុរសស្រឡាញ់បុរស ឬខ្ទើយ ឬភេទទី៣ ដែលអះអាងថា ពួកគេជាខ្ទើយរស់នៅប្រទេសថៃបានប្រើពាក្យតិះដៀលលោក ហ៊ុន សែន និងភរិយា ដោយជេរប្រទេចថា “អាខ្វាក់ អាឆ្គួត អាភ្លើ អា អ្ហែង មី ហង… “ ដែលពិបាកស្តាប់បំផុត។
នៅក្នុងវីដេអូក្លីបរយៈពេល ១០:០១ នាទីក្នុងវ៉លឈ្មោះ Keaw Phoenix អ្នកទាំងបីក៏បានប្រមាថវាយក្បាលលោក ហ៊ុន សែន និងភរិយា នឹងស្បែកជើងផងដែរ ដែលនេះជាការប្រមាថមួយដ៏ធ្ងន់ ហើយការប្រមាថនេះ ទំនងជាសមាជិកក្រុមគ្រួសារ និងអ្នកគាំទ្រលោកនាយករដ្ឋមន្រ្តី ហ៊ុន សែន មិនសប្បាយចិត្តឡើយ។
កន្លងមក គេឃើញមានមនុស្សដែលប្រកាន់គណបក្សនយោបាយផ្សេងៗបានជេរលោកនាយក រដ្ឋមន្រ្តី និងគណបក្សប្រជាជនកម្ពុជា ខណៈដែលអ្នកខ្លះជេរដាក់បណ្តាសាបកវិញដល់លោក សម រង្ស៊ី លោក កឹម សុខា និងគណបក្សសង្រ្គោះជាតិ។
មាត្រា ៣០២ ស្តីពី “បទបរិហាកេរ្តិ៍ជាសាធារណៈ” ក្នុងជំពូក ២ នៃក្រមព្រហ្មទណ្ឌចែងថា “គ្រប់ការអះអាងបំផ្លើស ឬការទំលាក់កំហុសដោយអសុទ្ធចិត្តលើអំពើណាមួយដែលនាំឲ្យ ប៉ះពាល់ដល់កិត្តិយស ឬកិត្តិស័ព្ទនៃបុគ្គល ឬស្ថាប័នគឺជាការបរិហាកេរ្តិ៍។ ត្រូវពិន័យជាប្រាក់ពី ១០០.០០០ (មួយសែន) រៀលទៅ ១០.០០០.០០០ (ដប់លៀនរៀល)។ បទបរិហាកេរ្តិ៍ដែលប្រព្រឹត្តទៅតាមមធ្យោបាយណាមួយដូចតទៅ៖
១. តាមសំដី ទោះបីជាប្រភេទណាក៏ដោយ ដែលបញ្ចេញនៅទីសាធារណៈ ឬនៅក្នុងសាលប្រជុំសាធារណៈ។
២. តាមលិខិត ឬគំនូ ទោះជាប្រភេទណាក៏ដោយដែលផ្សព្វផ្សាយនៅក្នុងចំណោមសាធារណជន ឬដាក់តាំងឲ្យសាធារណជនមើល។
៣. តាមគ្រប់មធ្យោបាយទូរគមនាគមន៍ សោតទស្សសម្រាប់សាធារណជន។”
សម្រាប់អ្នកសារព័ត៌មានវិញ មាត្រា ៣០៦ ស្តីពី “បទបរិហាកេរ្តិ៍តាមសារព័ត៌មាន” នៃក្រមព្រហ្មទណ្ឌចែងថា “ការបរិហាកេត្ត៍តាមសារព័ត៌មានត្រូវស្ថិតនៅក្រោមបទប្បញ្ញត្តិនៃច្បាប់ ស្តីពីរបបសារព័ត៌មាន”។
គួរបញ្ជាក់ថា មាត្រា ១០ នៃច្បាប់ស្តីពីរបបសារព័ត៌មានចែងថា “ជនណាម្នាក់ដែលយល់ថា ទោះជាសរសេរបញ្ឆិតបញ្ឆៀងក៏ដោយ រូបគំនូរ ឬរូបថតណាមួយនៃសារព័ត៌មានណាមួយដែលមានលក្ខណៈខុសពីការពិត ធ្វើឲ្យខូចខាតដល់កិត្តិយស និងសេចក្តីថ្លៃថ្នូររបស់ខ្លួន មានសិទ្ធិទាមទារឲ្យសារព័ត៌មាននោះធ្វើការកែតម្រូវ ឬមានសិទ្ធឆ្លើយតបនិង ធ្វើបណ្តឹងពីបទបរិហាកេរ្តិ៍ ពីបទមួលបង្កាច់ ឬពីបទជេរប្រមាថចំពោះការប៉ះពាល់កិត្តិយស និងសេចក្តីថ្លៃថ្នូររបស់ខ្លួន។ លើសពីនេះ តុលាការអាចផ្តន្ទាទោសពិន័យជាប្រាក់ពីមួយលានរៀល (១.០០០.០០០ រៀល) ទៅប្រាំលានរៀល (៥.០០០.០០០ រៀល) ទៀតក៏បាន”៕
