អូស្ដ្រាលី ប្រឈមនឹងកម្ដៅខ្លាំងជាប្រវត្ដិសាស្ដ្រ
សារព័ត៌មាន Cambodia News /
អូស្ដ្រាលី(១៨ មករា ២០១៤)៖ ក្នុងពេលដែលតំបន់អាមេរិកខាងជើង ទើបតែឆ្លងកាត់សីតុណ្ហភាពត្រជាក់ជា ប្រវត្ដិសាស្ដ្រ ពេលនេះប្រទេសអូស្ដ្រាលី បានប្រឈមនឹងសីតុណ្ហភាពក្ដៅខ្លាំងមិនធ្លាប់មានក្នុងរយៈពេលពី ឆ្នាំ១៩៣៩មក។
នៅតំបន់ភាគខាងត្បូងអូស្ដ្រាលី សីតុណ្ហ ភាពក្ដៅខ្លាំងបានអូសបន្លាយរយៈពេល៤ថ្ងៃមកហើយដោយមានសីតុណ្ហភាព កើនឡើងដល់ទៅ៤៥អង្សាសេ ស្ថិតនៅរដ្ឋ Adelaide នេះជាកម្ដៅខ្ពស់បំផុតមិន ធ្លាប់មានតាំងពីឆ្នាំ១៩៣៩មក ។
កម្ដៅ ខ្លាំងបានធ្វើឱ្យព្រៃឈើមួយកន្លែង ឆាបឆេះនិងរាលដាលបំផ្លាញផ្ទះសម្បែង ពលរដ្ឋអស់៥២ខ្នង ស្ថិតនៅភាគខាង កើតទីក្រុង Perth ។ ភ្លើងឆេះព្រៃក៏បាន សម្លាប់មនុស្សម្នាក់ផងដែរពេលចូល រួមពន្លត់អគ្គិភ័យ៕
