នាយក រដ្ឋមន្ដ្រីថៃប្ដេជ្ញាមិនលាលែងពីតំណែង
សារព័ត៌មាន Cambodia News/
ថៃ(១៦ មករា ២០១៤) ៖ នាយករដ្ឋមន្ដ្រីថៃ លោកស្រី យីងឡាក់ បានប្ដេជ្ញាមិនលាលែងពីតំណែងនោះឡើយ បើទោះបីបាតុករឡោមព័ទ្ធបិទ ក្រុងបាងកកក៏ដោយ ។ កន្លងមកសារព័ត៌មានបាងកកប៉ុស្ដិ៍ បានផ្សព្វផ្សាយថា លោកស្រីយីងឡាក់ បានជួបពិភាក្សាជាមួយបងប្រុសថាក់ស៊ីន តាមប្រព័ន្ធទំនាក់ទំនងស្កាយពីជោគ វាសនារបស់លោកស្រីនៅក្នុងកិច្ចប្រជុំ គណៈរដ្ឋមន្ដ្រី។
ប៉ុន្ដែ លោកថាក់ស៊ីនផ្ដល់ យោបល់មិនត្រូវលាលែងពីតំណែងនា ពេលនេះឡើយ ដោយរដ្ឋាភិបាលកើត ឡើងដោយស្របច្បាប់តាមរដ្ឋធម្មនុញ្ញ នឹងទទួលបានការគាំទ្រភាគច្រើនពីប្រជា ពលរដ្ឋ។ ចំណែកក្រុមប្រឆាំងរបស់លោក ស៊ូថេប ជាក្រុមល្មើសច្បាប់ បំពានច្បាប់ទាំងស្រុង ដូច្នេះមានអ្វីដែលអ្នកស្រប ច្បាប់ត្រូវចុះចាញ់ក្រុមបំពានច្បាប់នោះ ឡើយ ។
នៅពេល ដែលភាពតានតឹង ខណៈ ក្រុមបាតុករបិទក្រុងបាងកក លោកស្រី យីងឡាក់ បានសួរយោបល់ពីមេទ័ពថា តើលោកស្រីត្រូវលាលែងពីតំណែងឬ អត់ ។ ការមិនឆ្លើយតបបានបង្ហាញយ៉ាង ច្បាស់ថា មេទ័ពថៃបានគាំទ្រដល់រដ្ឋាភិ បាលយីងឡាក់ ដោយមិនងាកទៅគាំទ្រ ក្រុមល្មើសច្បាប់នោះឡើយ ។
នៅពេល នេះ ស្ថាប័នរដ្ឋជាច្រើននៅ ក្រុងបាងកកត្រូវផ្លាស់ទៅធ្វើការនៅជាយ ក្រុង ឬនៅតាមខេត្ដដើម្បីទុកឱ្យរដ្ឋាភិ បាលដំណើរការបានដូចដើម ។ ចំណែក ក្រុមប្រឆាំងចង់បិទក្រុងបាង កក ទុកឱ្យ បិទតាមអំពើចិត្ដចុះ លទ្ធផលចុងក្រោយ ក្រុមបាតុកររបស់លោកសូថេប នឹងត្រូវ ដកខ្លួនចុះចាញ់ដោយឯកឯង ។
នៅពេល នេះបើទោះបីមេដឹកនាំក្រុម បាតុករខិតខំអំពាវនាវឱ្យបាតុករចូលរួម ឱ្យបានច្រើន ប៉ុន្ដែការចូលរួមកាន់តែថយ ចុះពីមួយថ្ងៃទៅមួយថ្ងៃ ដោយបាតុករ ជាច្រើននៅមានកូនចៅក្នុងបន្ទុកដែលចាំបាច់ត្រូវធ្វើការរកប្រាក់ ទំនុកបម្រុង កូនចៅទាំងនោះ ។ កត្ដាខាងលើនេះ ហើយដែលធ្វើឱ្យក្រុមបាតុករថយចុះក្នុងថ្ងៃទី៣ នៃការបិទក្រុងបាងកក ។
ក្នុងពេល ជាមួយគ្នានោះ រដ្ឋាភិបាលរបស់លោកស្រីយីងឡាក់បានអំពាវនាវ ដល់ក្រុមប្រឆាំងបានអង្គុយតុពិភាក្សា ស្វែងរកច្រកចេញបញ្ចប់វិបត្ដិនយោបាយ និងពិភាក្សាពីសំណើពន្យារពេលបោះឆ្នោតរបស់គណៈកម្មាធិការរៀបចំការ បោះឆ្នោត ។
ប៉ុន្ដែ ក្រុមប្រឆាំងបានប្ដេជ្ញាថា សង្គ្រាមនាពេលនេះមានតែចាញ់ហើយនិងឈ្នះប៉ុណ្ណោះ គ្មានការចរចា លើកលែងតែលោកស្រី យីងឡាក់ ចុះចេញពីតំណែង ផ្ដល់អំណាចទៅឱ្យក្រុមប្រឆាំងដឹកនាំដោយលោក ស៊ូថេប គ្រប់គ្រងវិញ ទើបបញ្ចប់រឿង៕