មេដឹកនាំក្រុមបាតុករថៃ គំរាមចាប់ខ្លួន យីងឡាក់ និង គណៈរដ្ឋមន្រ្តី
សារព័ត៌មាន Cambodia News /
-
លោក ស៊ូថេប ថងស៊ូបាន មេដឹកនាំក្រុមចលនាប្រជាជន ដើម្បីប្រជាធិបតេយ្យ ថៃ(១៥ មករា ២០១៤)៖ យោងតាមគេហទំព័រ INN របស់ថៃ កាលពីថ្ងៃ អង្គារ ទី ១៤ ខែ មករា បានចុះផ្សាយឲ្យដឹងថា លោក ស៊ូថេប ថងស៊ូបាន មេដឹកនាំក្រុមចលនាប្រជាជន ដើម្បីប្រជាធិបតេយ្យ បានប្រកាសលើវេទិកាថា នាអំឡុង ២-៣ ថ្ងៃ ខាងមុខនេះ ខ្លួននឹងដឹកនាំក្រុមបាតុករ ឡោមព័ទ្ធទីស្នាក់ការរដ្ឋទាំងអស់ ដើម្បីមិនឲ្យចូលបំពេញការងារ។
ប្រភព ព័ត៌មានបានឲ្យដឹងទៀតថា មេដឹកនាំក្រុមបាតុករ បានប្រកាសចាប់ខ្លូន នាយករដ្ឋមន្រ្តី យីងឡាក់ និង គណៈរដ្ឋមន្រ្តី បើសិន រដ្ឋាភិបាល ហើយចូលកាន់កាប់ និង កាត់ផ្តាច់ប្រព័ន្ធទឹក ភ្លើង តាមក្រសួង សំខាន់ៗផ្សេងទៀត បើសិនរដ្ឋាភិបាលនៅតែរឹងទទឹងមិនព្រមចុះចេញពីតំណែង។
លើសពីនេះ លោក ស៊ូថេប ប្រកាសគំរាមចាប់ខ្លួន លោកស្រី យីងឡាក់ ស៊ីណាវ៉ាត់ នាយករដ្ឋមន្រ្តី ព្រមទាំង ឧបនាយក រដ្ឋមន្រ្តី និង រដ្ឋមន្រ្តីជាច្រើនរូបទៀត ក្នុងគោលបំណងមិនទទូលយករបប ថាក់ស៊ីន និង មិនទទួលស្គាល់ ការបោះឆ្នោតថ្ងៃទី ២ ខែ កុម្ភៈ ខាងមុខនេះ៕