ប៉ូលិសថៃគ្រោងប្តឹងអ្នកកាសែត Reuters
ប៉ូលិសថៃកំពុងរៀបចំប្តឹងអ្នក កាសែត របស់ទីភ្នាក់ងារព័ត៌មាន Reuters ម្នាក់ពីបទបង្ខូចកេរ្ត៍ឈ្មោះរបស់កងទ័ពជើងទឹកថៃ ក្នុងអត្ថបទមួយដែលចុះផ្សាយដោយអ្នកកាសែតជនជាតិអូស្ត្រាលីម្នាក់ ឈ្មោះ Alan Morison ក្នុងខេត្តភូកេត។
លោក Alan Morison និងសហការីរបស់លោកម្នាក់ប្រឈមមុខនឹងការចោទនេះបន្ទាប់ពីបានចុះ ផ្សាយអត្ថបទមួយស្តីពីជនជាតិ Rohingya ដែលមិនមានរដ្ឋជារបស់ខ្លួន។
អត្ថបទ ដែលចុះផ្សាយក្នុងកាសែតដែលបោះពុម្ពតាមប្រព័ន្ធអ៊ិនធឺណិត ឈ្មោះ Phuketwan កាលពីខែកក្កដា កន្លងទៅនេះ បានដកស្រង់ផ្នែកខ្លះពីរបាយការណ៍របស់ទីភ្នាក់ងារព័ត៌មាន Reuters។
លោក Morison គឺជាចាងហ្វាងការផ្សាយរបស់កាសែត Phuketwan។ លោកទទួលដំណឹងកាលពីខែឆ្នូកន្លងទៅថ្មីនេះថា លោកកំពុងរងបទចោទករណីបង្ខូចកេរ្ត៍ឈ្មោះ។ លោកថាលោកមិនបានដឹងពីមូលហេតុដែលអត្ថបទរបស់លោក នាំឲ្យមានជម្លោះផ្លូវច្បាប់ទេ។
សកម្មជនសិទ្ធិមនុស្សជាច្រើនហៅទង្វើររបស់ប៉ូលិសថៃ ក្នុងការរកប្តឹងអ្នកកាសែតថា ជាការសម្លុតដល់បណ្តាញសារព័ត៌មាន៕ (Radio Australia)
