ការកែសន្ទះព្រហ្មចារី
វត្តី/Cambodia News /
ភ្នំពេញ៖ ព្រហ្មចារីគឺជាសន្ទះស្បែកស្ដើងនៅក្នុងទ្វារមាសស្ដ្រី ហើយមានរន្ធប្រហោងដើម្បីឱ្យឈាមរដូវធ្លាក់ចេញមក។ គេអាចនិយាយបានម្យ៉ាងទៀតថាព្រហ្មចារីគឺសំដៅទៅលើភាពស្អាតបរិសុទ្ធ ទាំង ផ្លូវកាយទាំងផ្លូវចិត្ដ ដែលមិនមានដាច់រហែក និងមិនធ្លាប់បានឆ្លងកាត់ការរួមភេទ ទោះក្នុងករណីណាក៏ដោយ។
ការកែ ព្រហ្មចារីគឺជាការកែសន្ទះព្រហ្មចារីដែលដាច់រហែកមកជិតដូចដើម វិញ។ ការដាច់រហែកសន្ទះព្រហ្មចារីគឺបណ្ដាលមកពីកត្ដាច្រើនយ៉ាងដែលទាក់ទង ទៅនឹងសកម្មភាពប្រចាំថ្ងៃ ដូចជាដើរ ដេក ឈរ អង្គុយកន្ធែកជើង ការធ្វើការងារធ្ងន់ ហាត់កីឡា និងឆ្លងកាត់ការរួមភេទ។
ការកែ ព្រហ្មចារីនៅកន្លែងដែលមិនមាន សុវត្ថិភាពឬគ្មានមិនមានជំនាញច្បាស់លាស់ អាចបង្កឲ្យមានផលប៉ះពាល់ជាច្រើន ដូចជាឆ្លងនូវមេរោគផ្សេងៗនៅក្នុងទ្វារមាសដែលធ្វើឱ្យកើតមានបញ្ហាដែល មិនអាចស្មានដល់។ ដូចនេះស្ដ្រីគ្រប់រូបដែលចង់កែព្រហ្មចារីឱ្យមានសាជាថ្មីម្ដងទៀតនោះ គឺត្រូវតែទៅកន្លែងដែលមានសុវត្ថិភាព និងមានជំនាញខ្ពស់បំផុត។
នៅក្រោយ ពេលដែលកែ ហើយមិនត្រូវធ្វើការរួមភេទភ្លាមៗនោះទេ គឺត្រូវតមការរួមភេទរយៈពេល១ខែ ការធ្វើបែបនេះគឺដើម្បីឱ្យមុខរបួសឆាប់ជាសះស្បើយ។ ម្យ៉ាងទៀតនៅមុនពេលដែលរួមភេទត្រូវតែទៅឱ្យអ្នកជំនាញពិនិត្យមើល សាជាថ្មីម្ដងទៀត និងទទួលការណែនាំពីអ្នកជំនាញនៅពេលរួមភេទជាលើកដំបូងបន្ទាប់ពីកែហើយ។
បើសិន ជាសុភាពនារីចង់ថែរក្សាសន្ទះ ព្រហ្មចារីកុំឱ្យដាច់រហែក គឺត្រូវតែមានការប្រយ័ត្ន ព្រោះសន្ទះព្រហ្មចារីស្ដើងណាស់ គួរចៀសវាងចំពោះការងារធ្ងន់ មិនត្រូវអង្គុយចោងហោងឬកន្ធែកជើង មិនត្រូវប្រើប្រាស់ថ្នាំសុល និងធ្វើលំហាត់ប្រាណខ្លាំងៗពេកនោះទេ៕
