មន្ត្រីជាន់ខ្ពស់ CPP បន្ទោសមេគណបក្ស CNRP ពីបាតុកម្ម
សារព័ត៌មាន Cambodia News
ភ្នំពេញ៖ លោក ហេង សំរិន ប្រជាកិត្តិយសគណបក្សប្រជាជនកម្ពុជា និងជាប្រជានរដ្ឋសភា នៅថ្ងៃអង្គារនេះបានបន្ទោសមេដឹងនាំគណមក្សសង្គ្រោះជាតិថា បានបង្កភាពញុះញង់ និងភាពចលចល ហើយថា គណបក្សប្រជាជនកម្ពុជានឹងមិនអនុញ្ញាតិឲ្យមានបញ្ហានេះកើតឡើងបន្ត ទៀតទេ ។
ថ្លែង នៅក្នុងមិទ្ទិញ អបអសាទរ ខួបលើទី៣៥ ថ្ងៃ៧មករា លោក ហេង សំរិន បានប្រាប់ទៅកាន់អ្នកចូលរួមប្រមាណ ៤ម៉ឺននាក់នៅមជ្ឈមណ្ឌលកោះពេជ្រថា គណបក្សប្រជាជនកម្ពុជាបានប្រកាសយ៉ាងម៉ឺងម៉ាត់ថាខ្លួន នឹងធ្វើអ្វីៗគ្រាប់យ៉ាង ដើម្បីការពាររដ្ឋសភា និងរាជរដ្ឋាភិបាលដែលដឹងនាំដោយលោក ហ៊ុន សែន ហើយមិនអនុញ្ញាតិឲ្យនរណាម្នាក់មកបំផ្លាញសម្មទិផល ដែលគណបក្សប្រជាជនកម្ពុជា ដែលសម្រេចបានអស់រយៈពេល ៣៥កន្លងមកនោះទេ (៧ មករា ១៩៧៩ – ៧ មករា ២០១៤) ។
នៅក្នុង សុន្ទរកថារបស់លោក ដែលត្រូវបានចាក់ផ្សាយបន្តផ្ទាល់តាមទូរទស្សន៍ថ្នាក់ជាតិទាំង ១២ប៉ុស្តិ៍ លោក ហេង សំរិន បានចោទប្រកាន់ថា មេដឹកនាំគណបក្សប្រឆាំងរបស់លោក សម រង្ស៊ី បានព្យាយាមបញ្ចុះបញ្ចូលបរទេសឲ្យបញ្ឈប់ការផ្លល់ជំនួយមកកម្ពុជា និងធ្វើឲ្យស្ថានភាពនយោបាយកម្ពុជាកាន់តែមានភាពស្មុគ្រស្មាញ។
លោក ហេង សំរិន បានបញ្ជាក់ថា នៅចុងក្រោយនេះ មេដឹកនាំគណបក្សប្រឆាំងបានដឹកនាំបាតុកម្ម ដោយបង្កភាពចលាចល បង្កអសន្តិសុខជាតិ និងសន្តាប់ធ្នាប់សង្គម ព្រមទាំងធ្វើឲ្យទំនាក់ទំនងកម្ពុជាជាមួយបរទេសបានធ្លាក់ចុះ ហើយចុងក្រោយនេះ មេដឹកនាំគណបក្សប្រឆាំងបានទាមទារឲ្យលោក ហ៊ុនសែន ចុះចេញពីតំណែង និងបោះឆ្នោតឡើងវិញ ដែលប្រការនេះគណបក្សប្រជាជនកម្ពុជាមិនអាចទទួលយកបានឡើយ ហើយគណបក្សប្រជាជនកម្ពុជាសុខចិត្តធ្វើអ្វីៗគ្រប់យ៉ាង ដើម្បីការពាររាជរដ្ឋាភិបាលដែលដឹកនាំដោយលោក ហ៊ុន សែន និងរដ្ឋសភាដែលដឹកនាំដោយរូបលោកផ្ទាល់៕
