គណបក្សប្រជាជនកម្ពុជា ប្រារព្ធពិធីទិម្ទិញ ជ័យជម្នះ ថ្ងៃ៧មករា
សារព័ត៌មានយុវវ័យថ្មី
ភ្នំពេញ៖ នៅព្រឹកទី៧មករានេះ គណបក្សប្រជាជនកម្ពុជា បាននាំរាជរដ្ឋាភិបាល រដ្ឋសភា និងព្រឹទ្ធសភា រៀបចំប្រារព្ធពិធីមិទ្ទិញ ជ័យជម្នះ ៧មករា នៅមជ្ឈមណ្ឌលសន្និសីទកោះពេជ្រ ដែលមានការអញ្ជើញចូលរួមពីថ្នាក់ដឹកនាំកំពូលទាំង ៣រូប របស់គណបក្សប្រជាជនកម្ពុជា គឺ សម្តេចជាស៊ីម សម្តេចហេងសំរិន និងសម្តេចហ៊ុនសែន នឹងមានមនុស្សចូលរួមប្រមាណ ៥ ម៉ឺននាក់។
ពិធីមិទ្ទិញ សាទរជ័យជម្នះ ថ្ងៃ៧មករា ដែលជាថ្ងៃផ្តួលរំលំរបបខ្មែរក្រហម បានចាប់ផ្តើមនៅម៉ោង ៧ និង ៣០ នាទី ព្រឹកថ្ងៃទី៧មករានេះ ហើយក៏មានផ្សាយផ្ទាល់តាមទូរទស្សន៍ និងវិទ្យុផងដែរ។
សម្តេច ហេង សំរិន ប្រធានរដ្ឋសភា និងជាប្រធានកិត្តិយសគណបក្សប្រជាជនកម្ពុជា បានថ្លែងក្នុងពិធីមិទ្ទិញរំឭកខួប ទី៣៥ នៃទិវាជ័យជម្នះ ៧មករា ដោយលើកឡើងថា ជ័យជម្នះ ៧មករា បានសង្គ្រោះប្រជាជនកម្ពុជា ឲ្យរស់រានមានជីវិតឡើងវិញ។
សម្តេច ហេង សំរិន បានបន្តថា ជ័យជម្នះ ៧មករា បានបញ្ចប់ដំណាក់កាលដ៏ខ្មៅងងឹតបំផុតរបស់កម្ពុជា និងបើកឡើងវិញនូវសករាជថ្មី ដែលប្រជាជនដណ្តើមបានមកវិញនូវសិទ្ធិសេរីភាព កិត្តិយស និងសេចក្តីថ្លៃថ្នូរ ហើយឈានទៅធ្វើជាម្ចាស់លើជោគវាសនារបស់ខ្លួនពិតប្រាកដ៕។
គណបក្សប្រជាជនកម្ពុជា តែងតែប្រារព្ធ ខួបថ្ងៃជ័យជំនះ ៧ មករា ជារៀងរាល់ឆ្នាំ ដោយគណបក្សប្រជាជន បានចាត់ទុកថ្ងៃទី៧ មករា ជាថ្ងៃកំណើតទី២ របស់ប្រជាពលរដ្ឋ ទូទាំងប្រទេស រួចផុតពីសម័យកម្ពុជា ប្រជាធិបតេយ្យ ខ្មែរក្រហម៕
