ស្លាប់ និងរបួសជាច្រើននាក់ក្នុងពេលប៉ះទង្គិចនៅសួនកាណាឌីយ៉ា
សារព័ត៌មាន Cambodia News /
ភ្នំពេញ៖ នៅម៉ោង១០ព្រឹកថ្ងៃសុក្រនេះ កម្លាំងសមត្ថកិច្ចជាច្រើនរយនាក់ បានប្រើប្រាស់កាំភ្លើងកែច្នៃ និងគ្រាប់បែកផ្សែង បាញ់ទៅលើហ្វូងកម្មករប្រមាណមួយម៉ឺននាក់ ដែលតវ៉ាបិទផ្លូវ និងដុតកង់ឡាន នៅមុខសួនឧស្សាហកម្មកាណាឌីយ៉ា ផ្លូវវ៉េងស្រេង សង្កាត់ចោមចៅ រាជធានីភ្នំពេញ។
ការ ប៉ះទង្គិចគ្នារវាងក្រុម អ្នកតវ៉ា និងសមត្ថកិច្ច នៅព្រឹកថ្ងៃសុក្រ ទី៣ មករា បានបណ្ដាលឲ្យមានមនុស្សស្លាប់ និងរបួសជាច្រើននាក់ ដោយសារក្រុមសមត្ថកិច្ចបាញ់រះជាច្រើនគ្រាប់ ។
ការបង្ក្រាប នេះ ខណៈដែលកម្មករជាច្រើនពាន់នាក់មកពីរោងចក្រផ្សេងៗ ក្នុងរាជធានីភ្នំពេញ តវ៉ាដោយដុតកង់ឡាន និងបិទផ្លូវវ៉េងស្រេងនៅមុខសួនឧស្សាហកម្មកាណាឌីយ៉ា ៥កន្លែង និងព្រមានដុតឡានកុងទីន័រ ទាមទារដំឡើងប្រាក់ឈ្នួលគោល ១៦០ដុល្លារ៕
-
