រដ្ឋមន្រ្តីការបរទេសអាម៉េរិករិះគន់ ប្រមុខរដ្ឋកូរ៉េខាងជើង
លោក John Kerry រដ្ឋមន្រ្តីការបរទេសសហរដ្ឋអាម៉េរិកបានពិពណ៌នាលោក Kim Jong Un ថាជាមនុស្សព្រហើនហើយខ្វះការជឿជាក់ទៅលើខ្លួនឯងក្រោយពីមានការ ប្រហារជីវិតឪពុកមារបស់។
លោក Jang Song Thaek ដែលគេគិតថាជាមេដឹកនាំដែលមានអំណាចបំផុតថ្នាក់លេខពីរនៅកូរ៉េ ខាងជើងត្រូវបានគេប្រហារជីវិតហើយក្នុងបទចោទថាមានបំណងផ្តួល រំលំរបបដឹកនាំ។
ក្នុងបទសម្ភាសមួយតាមទូរទស្សន៍ អាម៉េរិក លោក Kerry និយាយថាការប្រហារជីវិតដ៏គួរឲ្យភ្ញាក់ផ្អើលនេះជាសញ្ញាបញ្ជាក់ថា ពិភពលោកគួរតែរួបរួមគ្នាជាធ្លុងមួយប្រឆាំងនឹងកម្មវិធីអាវុធ នុយគ្លេអ៊ែរបស់ប្រទេសកូរ៉េខាងជើង។
លោកថ្លែងទៀតថា វាជាការមិនអាចទទួលយកបានទេ បើបណ្តោយឲ្យអាវុធនុយគ្លេអ៊ែមានឱកាសធ្លាក់ចូលទៅក្នុងដៃរបស់ អ្នកដឹកនាំដូចលោក Kim Jong Un ហើយថាកត្តានេះទាមទារឲ្យសហរដ្ឋអាម៉េរិក ជប៉ុន កូរ៉េខាងត្បូង ចិន និងរុស្ស៊ីសហការគ្នាដើម្បីកិច្ចប្រឹងប្រែងបំបាត់អាវុធនុយ គ្លេអ៊ែ៕(Radio Australia)
