រដ្ឋមន្រ្តីការបរទេសអាម៉េរិកមកដល់ដែនដីសណ្តមេគង្គ
លោក John Kerry រដ្ឋ មន្រ្តី ការបរទេសសហរដ្ឋអាម៉េរិកបានអញ្ជើញទៅដល់តំបន់ដីសណ្តទន្លេ មេគង្គ ជាទីដែលលោកធ្លាប់ធ្វើជានាយនាវឹកកប៉ាល់ចម្បាំងកាលពីសម័យ សង្រ្គាមវៀតណាម ដើម្បីមកថ្លែងពីភាពងាយរងគ្រោះរបស់តំបន់នេះក្រោមបម្រែបម្រួល អាកាសធាតុ។
លោក Kerry ថ្លែងថាការវិលមកទឹកដីសណ្តរបស់ទន្លេមេគង្គលើកនេះ មិនមែនមករំលឹកពីអតីតកាលទេ តែមករកវិធីដោះស្រាយបញ្ហាដែលអាចចោទឡើងសំរាប់អនាគតកាល។
លោ កថា ប្រទេសវៀតណាមគឺជាប្រទេសមួយដែលងាយរងគ្រោះជាងគេក្នុងមូលហេតុ បម្រែបម្រួលអាកាសធាតុ ហើយថាបើគ្មានវិធានការបន្ទាន់ទេ បញ្ហានេះនឹងបណ្ដាលឲ្យមានការប៉ះទង្គិចយ៉ាងធ្ងន់ធ្ងរ។
លោក Kerry បានប្រកាសកញ្ចប់ថវិកាដែលមានទឹកប្រាក់ចំនួន ១៧ លានដុល្លារដើម្បីជួយសហគមន៍ទាំងឡាយក្នុងតំបន់សម្របការរស់នៅទៅតាម ការប្រែប្រួលអាកាសធាតុ។ លោកក៏បានព្រមានផងដែរអំពីតំបន់ដែលពឹងលើទឹកមួយនេះថាអាចរង ការគំរាមគំហែងពីកំណើនទឹកសមុទ្រ ហើយស្នើឲ្យប្រទេសចិន និងប្រទេសថៃ សង់ទំនប់នៅប៉ែកខាងលើនៃដងទន្លេដើម្បីបង្ការការជន់ឡើងនៃទឹក សមុទ្រ។
លោក Kerry ថ្លែងទៀតថា ទន្លេគឺជាទ្រព្យរួមរបស់ពិភពលោកក៏ដូចជារបស់តំបន់ដែរ៕ (Radio Australia)