ចិនរកឃើញអ្នកឆ្លង COVID-19 ថ្មីតែ១ករណីប៉ុណ្ណោះថ្ងៃនេះ
សារព័ត៌មាន Cambodia News/
ចិន (២៧ ឧសភា ២០២០) ៖ គណៈកម្មាធិការសុខភាពជាតិបានរាយការណ៍នៅថ្ងៃនេះថាប្រទេសចិនបានរកឃើញអ្នកឆ្លង COVID-19 ថ្មីតែ១ករណីប៉ុណ្ណោះ ខណៈដែលកាពីថ្ងៃអង្គារកន្លងទៅរកឃើញទៅដល់៧ករណី។ នេះបើយោងតាមប្រភពពី CNA។
នៅក្នុងសេចក្ដីប្រកាសចេញផ្សាយនៅថ្ងៃនេះគណៈកម្មការជាតិសុខាភិបាលចិន ករណីឆ្លងថ្មីខាងលើជាករណីនាំចូលពីបរទេស។ សេចក្តីរាយការណ៍ដដែលថា អ្នកឆ្លង COVID-19 មិនចេញរោគសញ្ញា ២៨ករណីថ្មីផងដែរ បើធៀបកាលពីម្សិលមិញមាន២៩ ករណី។
សូមជម្រាបថា គិតមកដល់ពេលនេះចំនួនករណីឆ្លង COVID-19 សរុបនៅទូទាំងប្រទេសចិនគឺមានចំនួន ៨២.៩៩៣ នាក់។ ចំនួនអ្នកស្លាប់នៅតែរក្សាដដែលគឺ ៤.៦៣៤ នាក់៕
