ជំងឺរាគ និង អាហារសំរាប់ធ្វើឲ្យធូរស្រាល
សុខភាព៖ ជំងឺរាគ ជាធម្មតាបង្កឡើងនៅពេលដែល បាក់តេរី ឬ វីរុស បង្កការរលាកនៅក្នុងពោះវៀន ជំងឺរាគ កើតឡើងតែពីរ ឬ បីថ្ងៃប៉ុណ្ណោះ បន្ទាប់មកក៏បាត់ទៅវិញ ប៉ុនែ្ត នៅពេលដែល វាកើតយូរជាងនេះ វាអាចធ្វើអោយរាងកាយបាត់បង់ជាតិទឹកជាច្រើន រួមទាំងសារធាតុ ខនិជ ដែលមានតួនាទីគ្រប់គ្រងសំពាធឈាម ចង្វាក់បេះដូង និង ចលនាសាច់ដុំ។
អាស្រ័យហេតុនេះ ហើយ គ្រូពេទ្យជាធម្មតាផ្តល់ដំបូន្មានឲ្យ ផឹកទឹកផ្លែឈើ កូកាកូឡាដែលគ្មានជាតិហ្គាស ឬក៏ភេស្ជៈ កីឡា គ្រប់ពេលដែលអ្នកមានជំងឺរាគដើម្បីជំនួសឲ្យជាតិស្ករ និងសារធាតុខនិជដែលបាត់បង់។
ដូច្នេះ នៅពេលដែលមានជំងឺរាគ យល់ល្អគួរតែញ៉ាំអាហារ ដែល សាបៗបំផុតដូចជា មី នំបុ័ង និងទឹកជ្រលក់ធ្វើពីផ្លែប៉ោម ដោយសារតែ អាហារទាំងអស់នេះមិនធ្វើអោយ ប៉ះពាល់បន្ថែមទៀតដល់ពោះវៀនដែលកំពុងតែមានបញ្ហាស្រាប់ នោះទេ។ ហើយសារប្រយោជន៍បន្ថែមទៀត របស់អាហារទាំងនេះគឺ ជាតិសសៃ ដែលដើរតួនាទីដូចជា អេប៉ុងស្រូបទឹកនៅក្នុងពោះវៀន និងជួយសំងួតពោះវៀនទៀតផង៕ វត្ត/Cambodia News