ឪពុកបង្កើតយកកូនប្រុសអាយុ៨ខែទម្លាក់ទឹកស្ពានជ្រោយចង្វាស្លាប់
ភ្នំពេញ ៖ កាលពីវេលាម៉ោង១២ និង៣០នាទីថ្ងៃត្រង់ថ្ងៃទី១៣ វិច្ឆិកា នេះ សពក្មេងប្រុសអាយុ៨ខែម្នាក់ ត្រូវបានប្រជាពលរដ្ឋប្រទះឃើញអណ្តែតទឹកស្ថិតនៅភូមិកៀនឃ្លាំង សង្កាត់ជ្រោយចង្វា ខណ្ឌប្ញស្សីកែវ បន្ទាប់ពីឪពុកតិរច្ឆានយកមកទម្លាក់ចោលលើស្ពានជ្រោយចង្វា ។
តាមប្រភពពីស្ត្រីដែលត្រូវម្តាយរបស់ក្មេង ប្រុសរងគ្រោះឈ្មោះយ៉ាត ចំប៉ា អាយុ២៣ឆ្នាំ មានទីលំនៅក្នុងភូមិព្រៃក្របៅទី៣ ឃុំព្រែកអំពិល ស្រុកខ្សាច់កណ្តាល បានឱ្យដឹងថា គាត់និងប្តីឈ្មោះហ៊ុន រ៉ុម អាយុ២៧ឆ្នាំ បម្រើការងារចុងភៅនៅខារ៉ាអូខេ «ទីក្រុងកម្ពុជា» បានឈ្លោះប្រកែកគ្នារហូតដល់ផ្តិតមេដៃលែងលះគ្នានៅសាលាឃុំ កាលពីថ្ងៃទី១២ វិច្ឆិកា ហើយគាត់បានប្រគល់កូនប្រុសតូចនេះទៅឱ្យប្តីមើល ស្រាប់តែប្តីអគតិនោះយកមកបោះចោលក្នុងទឹកទន្លេទៅវិញ ។
សមត្ថកិច្ចកំពុងធ្វើការស្រាវជ្រាវរកចាប់ខ្លួនបុរស ជាប្តីនោះ ចំណែកសពក្មេងរងគ្រោះត្រូវបានស្ត្រីជាម្តាយយកទៅធ្វើបុណ្យតាមប្រពៃណី៕ Cambodia News
