ទូកដឹកជនភៀសខ្លួនភូមាមួយបានលិច និងមនុស្សជាច្រើនបានបាត់ខ្លួន
មនុស្សជាច្រើននាក់បានកំពុងបាត់ ខ្លួន បន្ទាប់ពីព្រឹត្តិការណ៍នៃការលិចកាណូតដឹកជនភៀសខ្លួនចេញពីតំបន់ ជម្លោះជនជាតិភាគតិចនៅភាគខាងលិចនៃប្រទេសមីយ៉ាន់ម៉ា នៅក្នុងឈូងសមុទ្រ Bengal។
ប៉ូលីស មីយ៉ាន់ម៉ាបានឲ្យដឹងថា ជនជាតិភាគតិចអ៊ិស្លាម Rohingya ប្រមាណជា ៧០នាក់បានជិះកាណូតនោះ។ ទោះបីជាយ៉ាងនេះក្ដី មកដល់ពេលនេះគេទើបជួយបានអ្នកនៅរស់រានមានជីវិតចំនួន ៦នាក់ប៉ុណ្ណោះ។
អង្គការសហប្រជាជាតិធ្លាប់បានព្រមានថា នៅពេលបញ្ចប់នៃរដូវវស្សានេះ នឹងមានការកើនឡើងនៃចំនួនជនជាតិភាគតិច Rohingyas ដែលប្រថុយនឹងគ្រោះថ្នាក់នៃការលង់ទឹកស្លាប់ និងការកេងប្រវ័ញ្ចពីក្រុមជួញដូរមនុស្ស ក្នុងការរត់ភៀសខ្លួនចេញពីតំបន់ជម្លោះហិង្សានៅក្នុងរដ្ឋ Rakhine នៅតំបន់ឆ្នេរភាគខាងលិចនៃប្រទេសមីយ៉ាន់ម៉ា៕ (Radio Australia)
