អូស្រ្តាលីព្រួយបារម្ភពីការធ្វើទារុណកម្មខ្លួនឯងរបស់កុមារដែលជាជនស្វែងរកសិទ្ធិជ្រកកោនក្រៅប្រទេស
ប្រធាន ក្រុមឯករាជ្យមួយដែលផ្តល់យោបល់ដល់ក្រសួងអន្តោប្រវេសន៍អូស្ត្រាលី អំពីសុខភាពផ្លូវចិត្តរបស់ជនស្វែងរកសិទ្ធិជ្រកកោនក្រៅប្រទេសមាន ប្រសាន៍ថា ឯកសារដែលរៀបរាប់យ៉ាងលម្អិតពីការធ្វើទារុណកម្មខ្លួនឯងបង្ហាញ អំពីមូលហេតុដែលគេមិនគួរឃុំឃាំងកុមារ។
ឯកសារ របស់ក្រសួង អន្តោប្រវេសន៍អូស្ត្រាលីដែលក្រុមតស៊ូមតិនៅក្នុងទីក្រុង ដាវិននៃប្រទេសអូស្ត្រាលីបានទទួល ដោយផ្អែកទៅលើច្បាប់សេរីភាពក្នុងការទទួលពត៌មាននោះ បានចង្អុលបង្ហាញថាមានកុមារាអាយុ ៩ឆ្នាំម្នាក់បានព្យាយាមលេបថ្នាំបំបាត់ការឈឺចាប់លើសកម្រិត ហើយកុមារាអាយុ ១០ឆ្នាំម្នាក់ផ្សេងទៀតបានអារកដៃរបស់របស់ខ្លួន។
ក្រសួង អន្តោប្រវេសន៍អូស្ត្រាលីនិយាយថាចាប់តាំងពីមានករណីមួយចំនួនកើត ឡើងក្នុងឆ្នាំ ២០១១ មក ក្រសួងបានពង្រឹងនូវសេវា និងការបណ្តុះបណ្តាលបុគ្គលិកសម្រាប់ដោះស្រាយបញ្ហាសុខភាពផ្លូវ ចិត្ត ហើយក៏បានកាត់បន្ថយរយៈពេលឃុំឃាំង។ ជាលទ្ធផល ការធ្វើទារុណកម្មខ្លួនឯងក៏បានធ្លាក់ចុះយ៉ាងខ្លាំងផងដែរ។
យ៉ាង ណាក៏ដោយ លោកស្រីសាស្រ្តាចារ្យ Louise Newman ផ្នែកសតិវិទ្យានៃមហាវិទ្យាល័យ Monash មានប្រសាសន៍ថាការធ្វើទារុណកម្មខ្លួនឯងនៅមិនទាន់បញ្ឈប់បានទាំង ស្រុងនៅឡើយទេ៕ (Radio Australia)
