ផ្អើលមានជនមិនស្គាល់មុខដាក់គ្រាប់បែកបង្កៃជិតស្ថានីយ៍ប្រេងសាំង ក្នុងសង្កាត់ទួលសង្កែ
ភ្នំពេញ ៖ សមត្ថកិច្ចនគរបាលមូលដ្ឋាន ក៏ដូចជានគរបាលខណ្ឌឫស្សីកែវ និងសមត្ថកិច្ចពាក់ព័ន្ធមួយចំនួនទៀតបាន នាំគ្នាឆ្លេឆ្លារកគ្រប់ច្រកល្ហក ខណៈនៅវេលាម៉ោង១រសៀល ថ្ងៃទី៤ ខែវិច្ឆិកា នេះ មានជនមិនស្គាល់មុខម្នាក់បានទូរស័ព្ទទៅកាន់នគរបាលនៃស្នងការដ្ឋាន នគរ នគរបាល (ផ្នែកស្ដង់ដារ)ដោយប្រាប់ថា មានជន មិនស្គាល់មុខបង្កៃគ្រាប់បែកនៅក្បែរ ស្ថានីយ៍ប្រេងសាំងមួយកន្លែងជិតរង្វង់ មូលកាំកូស៊ីធី ។
បន្ទាប់ ពីទទួលបានព័ត៌មានបែបនេះ ខាងនគរបាលនៃស្នងការដ្ឋានរាជធានី ភ្នំពេញផ្នែកស្ដង់ដារ ក៏បានបញ្ជាមក កាន់មន្ដ្រីថ្នាក់ក្រោមឱ្យចុះមកពិនិត្យ ហើយជាលទ្ធផលបន្ទាប់ពីការរុករកតាម ស្ថានីយ៍ប្រេងសាំងជាច្រើននៅក្នុងភូមិ សាស្ដ្រ គឺគ្មានរកឃើញអ្វីដូចការអះអាង របស់ជនមិនស្គាល់មុខនោះឡើយ ។
គេ បានឃើញកម្លាំងនគរបាលប៉ុស្ដិ៍ ទួលសង្កែ នគរបាលនៃអធិការដ្ឋាននគរ បាលខណ្ឌឫស្សី កងរាជអាវុធហត្ថខណ្ឌ និងមន្ដ្រីនគរបាលផ្នែកសន្ដិសុខ បានចុះ រុករកខ្លះជិះម៉ូតូ ខ្លះជិះរថយន្ដពិនិត្យមើល តាមគោលដៅស្ថានីយ៍ប្រេងសាំង និង ទីតាំងមួយចំនួនដែលមានការសង្ស័យ ហើយជាលទ្ធផល ការបំប៉ោងសភាព ការណ៍ពីជនមិនស្គាល់មុខនេះ បានធ្វើឱ្យ សមត្ថកិច្ចមានការខឹងសម្បាយ៉ាងខ្លាំង ដែលជននោះបានបង្កើតនិងបំប៉ោង សភាពការណ៍ឱ្យមានការភ័ន្ដច្រឡំ ។
ចំពោះ បញ្ហាខាងលើនេះ សមត្ថកិច្ចកំពុង តែធ្វើការស្រាវជ្រាវប្រព័ន្ធលេខទូរស័ព្ទ ដែលជនមិនស្គាល់មុខតេចូលទៅកាន់ សមត្ថកិច្ច ហើយរៀបរាប់រឿងបំប៉ោងនេះ ៕ Cambodia News
