យុវតីពីរនាក់ត្រូវបុរសម្នាក់នាំមកបំបោះបង់ចោលនៅភ្នំពេញ
ភ្នំពេញ៖ ក្មេង ស្រី២នាក់បងប្អូនត្រូវបានបុរសវ័យចំណាស់នាំមកពីក្រុងប៉ោយប៉ែ ត ហើយទុកចោលនៅផ្សារដើមគ កាលពីវេលាម៉ោង ៦លាច ថ្ងៃទី៣ ខែវិច្ឆិកា ឆ្នាំ២០១៣។ តាមសម្ដីក្មេង ស្រីរងគ្រោះទាំង២នាក់ បាននិយាយថា ឪពុកម្ដាយរបស់នាងបានស្លាប់ចោលអស់ហើយ ពួកនាងមានទីលំនៅក្រុងប៉ោយប៉ែត ។
មុនពេលកើតហេតុ ពួកនាងត្រូវបុរសម្នាក់ឈ្មោះ ពៅ បាននាំពួកនាងមកភ្នំពេញ ដើម្បីជួយរកការងារឱ្យធ្វើ ប៉ុន្ដែពេលមកដល់ផ្សារដើមគ បុរសរូបនោះបានទុកពួកនាងនៅទីនោះ ហើយក៏បានគេចខ្លួនបាត់រហូត ។ ពេលនោះពួកនាងមិនដឹងទៅទីណា ក៏ចេះតែនាំគ្នាដើររហូតដល់ម៉ោង១២ រំលងអធ្រាត្រ ។
តាមប្រភពពី នគរបាលប៉ុស្ដិ៍បឹងព្រលិតបានឱ្យដឹងថា ២នាក់បងប្អូនដែលចាញ់បោកគេមានឈ្មោះ ហង្ស ស្រីការ អាយុ១៧ឆ្នាំ និងឈ្មោះ ហង្ស ស្រីម៉ី អាយុ១៥ឆ្នាំ ។ ប្រភពព័ត៌មានដដែលបន្ដទៀតថា នៅវេលាជិត១២ យប់ ថ្ងៃទី៣ ខែវិច្ឆិកា ឆ្នាំ២០១៣ ពួកនាងបានដើរចូលស្នាក់ការប៉ុស្ដិ៍នគរបាលរដ្ឋបាលបឹងព្រលិត ហើយបានប្រាប់ សមត្ថកិច្ចនាងចាញ់បោកបុរសម្នាក់ដែលនាំពួកនាងមកពីក្រុងប៉ោយ ប៉ែត ខេត្ដបន្ទាយមានជ័យ ពេលមកដល់ភ្នំពេញបានទុកពួកនាងចោលនៅទីនោះ ហើយគេចខ្លួនបាត់តែម្ដង ។ ក្រោយពីសាកសួរពួកនាងរួច សមត្ថកិច្ចបានទំនាក់ទំនងទៅខាងអង្គការជួយស្ដ្រីមានវិបត្ដិមក ទទួលយកពួកនាងទៅអប់រំ បណ្ដុះបណ្ដាល ៕ Cambodia News
