ថ្ងៃ២៩តុលា ជាថ្ងៃគម្រប់ ៩ឆ្នាំ នៃការយាងឡើងគ្រងរាជសម្បត្តិរបស់ព្រះមហាក្សត្រ
ភ្នំពេញ៖ ថ្ងៃទី២៩ តុលា ២០១៣នេះ គឺគម្រប់ខួប៩ឆ្នាំគត់នៃការយាងឡើងសោយរាជសម្បត្តិរបស់ព្រះករុណា ព្រះបាទ សម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា ។ នៅថ្ងៃនេះដែរ មន្រ្តីរាជការ បុគ្គលិក កម្មករ និយោជិត ត្រូវបានរាជរដ្ឋាភិបាលអនុញ្ញាតឲ្យឈប់សម្រាកពីការងាររយៈពេលមួយថ្ងៃ ។
គួរបញ្ជាក់ថា ព្រះករុណា ព្រះបាទ សម្ដេចព្រះបរមនាថ នរោត្ដម សីហមុនី ព្រះអង្គព្រះរាជសម្ភព ( ប្រសូត) នាថ្ងៃទី ១៤ ឧសភា ១៩៥៣ ។ ទ្រង់ជាព្រះរាជបុត្រ របស់ ព្រះបរមរ តន កោដ្ឋ( សម្តេចឪ នរោត្តមសីហនុ) និងសម្ដេចព្រះវររាជមាតាជាតិខ្មែរ នរោត្តមមុនីនាថ សីហនុ ។
កាលពីថ្ងៃទី២៩ តុលា ២០០៤ ព្រះអង្គ ត្រូវបានក្រុមប្រឹក្សារាជសម្បត្តិដែលមានសមាស ភាព០៩អង្គនិងរូប ជ្រើសតាំងជាព្រះមហាក្សត្របន្តពីព្រះបិតា បន្ទាប់ពីសម្តេចឪព្រះអង្គបានដាក់រាជកាលពីថ្ងៃទី៧ តុលា ២០០៤៕ នាង/Cambodia News
