មេដឹកនាំបក្សប្រឆាំងភូមាបានសញ្ជាតិអ៊ីតាលី
លោកស្រី អាំងសាន ស៊ូជី មេដឹកនាំបក្សប្រឆាំងនៅក្នុងប្រទេសមីយ៉ាន់ម៉ាទីបំផុតបានក្លាយទៅ ជាជនសញ្ជាតិអ៊ីតាលីនៅក្រុងរ៉ូមជាផ្លូវការ ក្រោយពេលដែលអាជ្ញាធររ៉ូមបានប្រកាសផ្ដល់សញ្ជាតិនេះដល់លោកស្រី កាលពីពេល១៩ឆ្នាំមុន។
រដ្ឋាភិបាលរ៉ូមបានផ្ដល់សញ្ជាតិអ៊ីតាលីដល់លោក ស្រី អាំងសាន ស៊ូជី នៅឆ្នាំ១៩៩៤ ប៉ុន្ដែពេលនោះលោកស្រីមិនអាចទៅទទួលសញ្ជាតិបាន ដោយសារលោកស្រីកំពុងជាប់ការឃុំឃាំងក្នុងផ្ទះនៅប្រទេស មីយ៉ាន់ម៉ា។
ចៅហ្វាយក្រុងរ៉ូមនិយាយថា សញ្ជាតិនេះ គឺជាការទទួលស្គាល់ការតស៊ូយ៉ាងស្វិតស្វាញដោយអហិង្សារបស់លោក ស្រីក្នុងការទាមទារលទ្ធិប្រជាធិបតេយ្យ និងការគោរពសិទ្ធិមនុស្ស។ តែទោះជាយ៉ាងណាក៏ដោយ នៅក្នុងពិធីទទួលសញ្ជាតិនេះ លោកស្រី អាំងសាន ស៊ូជី បាននិយាយដាក់ខ្លួនថា លោកស្រីមិនបានធ្វើអ្វីពិសេសនោះទេ។
បច្ចុប្បន្ន លោកស្រី អាំងសាន ស៊ូជី កំពុងធ្វើដំណើរទស្សនកិច្ចរយៈពេល២សប្ដាហ៍ទៅអឺរ៉ុប ជាទីដែលលោកស្រីក៏ត្រូវទៅទទួលរង្វាន់ Sakharov Prize លើផ្នែកសិទ្ធិសេរីភាពក្នុងការគិត អស់ពេល២៣ឆ្នាំបន្ទាប់ពីលោកស្រីត្រូវបានគណៈកម្មាធិការរង្វាន់ Sakharov ប្រកាសឈ្មោះជាជ័យលាភី។
នៅពេលកំពុងធ្វើ ទស្សនកិច្ចនៅក្រុងរ៉ូម លោកស្រី អាំងសាន ស៊ូជី ក៏នឹងជួបជាមួយសម្ដេចប៉ាប Francis នៃគ្រិស្ដសាសនានិកាយកាតូលិកផងដែរ៕ (Radio Australia)
