រញ្ជួយដីនៅប្រទេសហ្វ៊ីលីពីនសម្លាប់មនុស្ស ៩៣នាក់
ថ្ងៃនេះប្រធានាធិបតីហ្វ៊ីលីពីន លោក Benigno Aquino បំពេញទស្សនកិច្ចទៅកាន់ខេត្ត២ឋិតនៅភាគកណ្តាលនៃប្រទេសដែលរង គ្រោះដោយការរញ្ជួយដីក្នុងកម្រិត ៧.១ តាមរង្វាស់រិចទ័រកាលពីម្សិលមិញនេះ។ មកទល់ពេលនេះ គ្រោះរញ្ជួយដីបានសម្លាប់មនុស្ស ៩៣នាក់ហើយ។
លោក ប្រធានាធិបតីនឹងធ្វើការត្រួតពិនិត្យប្រតិបត្តិការ សង្រ្គោះ និងការផ្តល់ជំនួយនៅកន្លែងរងគ្រោះដោយការរញ្ជួយដី។ គេបានប្រកាសដាក់ខេត្តទាំងពីរដែលរងគ្រោះនេះនៅក្នុងភាពអាសន្ន ហើយក៏បានអំពាវនាវឲ្យរដ្ឋាភិបាលថ្នាក់ជាតិ និងស្ថាប័នឯកជនផ្តល់នូវជំនួយសង្រ្គោះបន្ទាន់ផងដែរ។
មនុស្ស ជិតកន្លះលាននាក់រងផលប៉ះពាល់ដោយគ្រោះរញ្ជួយដីនេះ ដែលមនុស្សភាគច្រើននៅតែស្ថិតនៅក្រៅលំនៅដ្ឋាន ឬកន្លែងជម្លៀសនៅឡើយ ខណៈដែលផលនៃគ្រោះរញ្ជួយដីនៅតែបន្តកើតមាន។
បណ្តាញ អគ្គិសនីបានតភ្ជាប់វិញនៅតំបន់ភាគច្រើន ខណៈដែលជើងហោះហើរ និងការធ្វើដំណើរតាមផ្លូវទឹកបានបើកឲ្យដំណើរការវិញ។ ទោះជាយ៉ាងនេះក្តី សាលារៀននៅតែបិទទ្វារនៅឡើយ ហើយផ្លូវជាច្រើនមិនអាចធ្វើដំណើរបានដោយសារតែមានការបាក់ដី។
មនុស្សប្រមាណ ១៦៤នាក់រងរបួសដោយសារគ្រោះរញ្ជួយដីនេះ ហើយតួលេខអ្នកស្លាប់អាចនឹងមានការកើនឡើង៕ (Radio Australia)
