ធនាគារពិភពលោកព្រមានអំពីភាពអន្តរាយសេដ្ឋកិច្ចសកលលោក
ប្រធាន របស់ធនាគារពិភពលោក (World Bank) និយាយថា បញ្ហាដែលមិនអាចសងបំណុលបានរបស់សហរដ្ឋអាម៉េរិក នឹងអាចជាព្រឹត្តិការណ៍អន្តរាយដល់សេដ្ឋកិច្ចសកលលោក។
ក្រសួង ហិរញ្ញវត្ថុរបស់អាម៉េរិក នឹងចាប់ផ្ដើមអស់ប្រាក់ប្រសិនបើគេមិនអាចសម្រេចបាននូវកិច្ច ព្រមព្រៀងណាមួយដើម្បីឲ្យប្រទេសនេះខ្ចីប្រាក់ពីទីផ្សារហិរញ្ញ វត្ថុនៅត្រឹមចុងសប្ដាហ៍នេះ។
ថ្លែងនៅក្រុង Washington ប្រធានរបស់ធនាគារពិភពលោក Jim Yong Kim បានព្រមានថា សហរដ្ឋអាម៉េរិកនៅសល់តែពេលប៉ុន្មានថ្ងៃទៀតតែប៉ុណ្ណោះ មុននឹងឈានដល់ដំណាក់កាលដ៏គ្រោះថ្នាក់៕ (Radio Australia)