នាយករដ្ឋមន្រ្តីអូស្រ្តាលីលើកអំពីបញ្ហាសំខាន់ៗជាមួយមេដឹកនាំនៃប្រទេសអាស៊ីខាងកើត
នាយករដ្ឋមន្រ្តីអូស្រ្តាលីលោក Tony Abbott នៅថ្ងៃនេះគ្រោងនឹងថ្លែងទៅកាន់បណ្ដាប្រជាជាតិនៅអាស៊ីខាង កើតដើម្បីសុំឲ្យ ការពិភាក្សានានាអំពីក្ដីបារម្ភលើសន្ដិសុខតំបន់ ចាំបាច់ត្រូវប្រព្រឹត្តទៅដោយបើកចំហនិងដោយស្ថាបនា។
បណ្ដាមេដឹក នាំពីប្រទេសនានានឹងបើកការពិភាក្សាជាផ្លូវការ នៅក្នុងអង្គប្រជុំកំពូលអាស៊ីខាងកើតក្នុងលក្ខណៈមិនសាធារណៈ ក៏ប៉ុន្តែជម្លោះដែនទឹកនៅសមុទ្រចិនខាងត្បូងទំនងជារបៀវារៈសំខាន់។ កាលពីយប់មិញនេះ នាយរដ្ឋមន្រ្តីអូស្រ្តាលីនិងនាយករដ្ឋមន្រ្តីចិន លោក Li Keqiang បានជួបពិភាក្សាគ្នាអំពីបញ្ហាជម្លោះដែនសមុទ្រនេះ។
នាយករដ្ឋមន្រ្តីអូស្រ្តាលី Tony Abbott គ្រោងនឹងថ្លែងសុន្ទរកថានៅក្នុងអង្គប្រជុំកំពូលនេះ ដើម្បីអំពាវនាវសុំឲ្យប្រទេសទាំងពួងអនុវត្តសមាហរណកម្មសេដ្ឋកិច្ច និងបង្កើនកិច្ចសហប្រតិបត្តិការឲ្យបានធំធេងថែមទៀត។
នៅ ក្នុង អង្គប្រជុំដោយឡែកដទៃទៀតជាមួយមេដឹកនាំនៃប្រទេសជប៉ុននិងកូរ៉េខាង ត្បូងកាលពីយប់មិញនោះ លោក Tony Abbott ក៏បានជំរុញឲ្យមានការបញ្ចប់ក្នុងពេលដ៏ឆាប់នូវកិច្ចព្រមព្រៀង ពាណិជ្ជកម្ម សេរី៕ (Radio Australia)