គង់ សុជាតិយល់ព្រមលាតត្រដាងចំណងស្នេហ៍ក្រៅឆាកជាមួយលោកជា វិបុល
អ្នកនាងគង់ សុជាតិបានបែកបាក់ជាមួយស្វាមីអស់ជាច្រើនខែមកមហាជនជាច្រើនកាន់តែយល់ច្បាស់ថាកំលោះមុខស្រស់ជា វិបុលច្បាស់ជាអាចក្លាយទៅជាម្ចាស់ស្អំបេះដូងអ្នកនាងគង់ សុជាតិមិនខានក្រោយលេចឮថាពួកគេស្រលាញ់គ្នាស្ទើលេប។
ថ្មីៗនេះមានព័ត៌មានលេចឮថាអ្នកសុជាតិល្បីមានមនុស្សផ្សេងតាមស្រលាញ់បានបង្កឲ្យសាមីខ្លួនផ្ទាល់ហាក់មិនសប្បាយចិត្តហើយស្រាប់តែធ្លោយមាត់ថាអ្នកនាងនិងលោកជា វិបុលពិតជាមានទំនាក់ទំនងចូលជ្រៅក្នុងសម្ព័ន្ឋស្នេហានោះមែនការដែលគេនិយាយរឿងនាងមានអ្នកណានោះគឺអត់ជាការពិតទេជាការញួសញុងឲ្យគេអត់ចិត្តគ្នាទៅវិញទេ។
នេះមិនមែនជាលើកទី១ទេដែលតារាជើងចាស់នៅតែជាផ្ការីកគ្រប់រដូវអ្នកនាងគង់ សុជាតិបានថ្លាថ្លែងពីចំនងស្នេហាជាមួយលោកជាវិបុលក្រោយពេលដែលស្នហាទី១បានដើរដល់ផ្លូវបំបែកបន្សល់ទុកនូវកូនប្រុសស្រីចំនួន២នាក់។អ្នកនាងសុជាតិហាក់ក្លាហាននៅពេលដែលហ៊ានលាតត្រដាងការពិតកន្លងមកដល់បណ្តាសារព័ត៌មានបន្ទាប់ពីបានវិចខ្ចប់រឿងលាក់មុខនេះអស់មួយរយៈធំ។
ម្ល៉ោះហើយទើបអ្នកនាងសុជាតិបានសម្តែងនូវភាពមិនសូវពេញចិត្តនោះឡើយក្នុងពេលដែលអ្នកនាងបានសម្រេចចិត្តប្រាប់មហាជនទូទៅថាជ្រើសរើសលោកជា វិបុលកាត់កេរ្តី៍កាត់ខ្មាស់ហើយនោះស្រាប់តែនៅតែបន្តលេចឮរឿងរ៉ាវមានអ្នកនេះអ្នកនោះតាមឆក់ចិត្តអ្នកនាងហើយបង្កឲ្យក្រុមគ្រួសារអ្នកហាក់មិនសប្បាយចិត្តពេលដឹងថាកើតរឿងលេចឮមិនមែនជាកាពិតនោះចេញលក់នៅលើទីផ្សារតាមរយៈសារព័ត៌មានចុះផ្សាយ។
ក្នុងជំនួបផ្ទាល់មួយកាលពីមុនពិធីបុណ្យភ្ជុំបិណ្ឌនៅក្នុងកម្មវិធី«តារាឯក»របស់ប៉ុស្តី៍លេខ៣អ្នកនាងគង់ សុជាតិបានថ្លែងប្រាប់ពីគោលជំហរផ្ទាល់ខ្លួនទាំងមើលទៅក្នុងអារម្មណ៍ហាក់មិនសប្បាយចិត្តថាអ្នកនាងប៊ិះរឿងធំជាមួយនិងរឿងគេនិយាយថាអ្នកនាងជិតរៀបការជាមួយអ្នកមានមុខមាត់ធំម្នាក់នៅសង្គមយើងធ្វើឲ្យមានរឿងរាវខ្លះនៅក្នុងរង្វង់គ្រួសារហើយបើមិនប្រញាប់ប្រាប់គេឯងតមទៅវិញនោះទេច្បាស់ជាកើតរឿងវែងឆ្ងាយមិនខាន។
អ្នកនាងសុជាតិមិនបង្ហើបប្រាប់ថាអ្នកនាងមានព័ត៌មានពាក់ព័ន្ឋនិងបុរសមានឥទ្ឋិពលណាទេដោយភ្លាមៗអ្នកនាងបានភ្ជាប់រឿងទៅនិងជាមួយលោកជា វិបុលថាអ្នកនាងពិតជាមានទំនាក់ទំនងមែន។អ្នកនាងប្រាប់ថាខ្ញុំសម្រេចចិត្តលែងលះស្វាមីតាមច្បាប់ត្រឹមត្រូវហើយមិនខុសទេដែលអ្នកនាងសម្រេចចិត្តរើសបុរសថ្មីណាមួយជាគូគាប់សំខាន់ឲ្យតែយើងពេញចិត្តហើយសាច់ញាតិបងប្អូនយើងពេញចិត្តស្របគ្នានោះពិតជាអាច។
ពេលនេះខ្ញុំមិនចង់វែងឆ្ងាយទៀតទេការពិតខ្ញុំជ្រើសរើសលោកជា វិបុលជាគូគាប់ស្អំបេះដូងមែនហើយការសម្រេចចិត្តនេះមិនមែនខ្ញុំចេះតែស្រលាញ់ទេតែក្រៅពីខ្ញុំបងប្អូនទាំងអស់ក៍ត្រូវចិត្តយល់ស្របដែរ។អ្នកនាងសុជាតិដែលពេលនេះសុខចិត្តឲ្យលោកជា វិបុលហក់ចូលទៅហង្សមាសហើយចាប់ដៃគូពិធីករជាមួយលោកអ៊ឹង ជុងហៀងបានបន្តប្រាប់ទៀតថារឿងរាវដែលលេចឮនោះបានក្លាយជារឿងមួយមានការសួរដេញដោលគ្នាទៅវិញទៅមកពិសេសខាងក្រុមគ្រួសារលោកវិបុលគេមើលព័ត៌មានណាស់ឲ្យតែមានអីប្លែកគេតេមកសួរភ្លាមៗដើម្បីបញ្ជាក់ថាជារឿងយ៉ាងណាបានជាគេចុះផ្សាយកើត។
ខ្ញុំពិតជាធុញនិងរឿងគេនិយាយខុសនេះណាស់ដែលបានបង្កឲ្យកើតរឿងរ៉ាវខុសទិសមិនស្វាងទំរាំរកខុសត្រូវបាន។ពេលនេះខ្ញុំជ្រើសរើសគាត់មកពីឃើញថាលោកជា វិបុលគាត់ជាមនុស្សល្អមិនចេះមើលអ្វីនិងភ្នែកឡើយឃើញរវល់អីជួយគ្នាមិនដែលរអ៊ូឡើយ។រាល់កិច្ចការជាច្រើនគឺគាត់តស៊ូរួសរាន់ធ្វើមិនឲ្យយើងខ្វល់ហើយអ្វីដែលកាន់តែល្អទៀតគឺគាត់ខំធ្វើការរកស៊ីត្រូវនិងចំណូលចិត្តបងប្អូនខ្ញុំដែលម្នាក់ៗអត់នៅផ្ទះទេគឺចេញរកស៊ីព្រោះសង្គមយើងនេះទាល់តែចេះជួយគ្នាទើបបាន។
លើសពីនេះរឿងលុយកាក់ដែលគាត់រកបានមកសុទ្ឋតែហុចដល់ដៃមិនដែលឲ្យទើសចិត្តទេ។អ៊ីចឹងហើយទើបខ្ញុំច្បាស់ខ្លួនឯងថានិងរើសយកគាត់ជាគូអនាគតដោយសារតែមានចំនុចវិជ្ជមានអាចទទួលយកបានហើយការពិតខ្ញុំមិនសប្បាយចិត្តមែនដែលឮពាក្យមិនល្អក្នុងពេលដែលអ្នកណាក៍ដឹងថាអ្នកនាងនិងលោកវិបុលល្បីមានស្នេហាហើយបែរជាឮថាមានអ្នកណាមកឆក់អីនោះគេស្តាប់ទៅច្បាស់ជាយល់ថាខ្ញុំជាមនុស្សរបៀបម៉ិចបន្តគ្នាបែបនេះខ្ញុំពិតជាទទួលមិនបានទេ។
ក្នុងពេលដែលអ្នកនាងសុជាតិបានលាតត្រដាងការពិតបែបនេះមហាជនជាច្រើនពិតជាភ្ញាក់ផ្អើលហើយនៅតែគិតថាពួកគេទាំង២ពិតជាសាកសមជាគូស្នេហ៍និងរង់ចាំមើលថាតើចំនងស្នេហានេះស្ថិតស្ថេរដល់កម្រិតណា៕ ស.រ/Cambodia News
