ព្រះ មហាក្សត្រ ចេញព្រះរាជក្រឹត្យ បញ្ចប់តំណែងទីប្រឹក្សា និងជំនួយការ
ភ្នំពេញ ៖ ព្រះ មហាក្សត្រ នៃព្រះរាជាណាចក្រកម្ពុជា ព្រះករុណា ព្រះបាទសម្តេច ព្រះនរោត្តម សីហមុនី កាលពីថ្ងៃទី០១ ខែតុលា ឆ្នាំ២០១៣ បានចេញព្រះរាជក្រឹត្យ ត្រាស់បង្គាប់ បញ្ចប់មុខតំណែងទីប្រឹក្សារាជរដ្ឋាភិបាល ទីប្រឹក្សា-ជំនួយការទាំងអស់ របស់ឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រីប្រតិភូអមនាយករដ្ឋមន្ត្រី ទីប្រឹក្សា-ជំនួយការថ្នាក់ដឹកនាំក្រសួង-ស្ថាប័ន និងទីប្រឹក្សា-ជំនួយការអមក្រសួង-ស្ថាប័នទាំងអស់ ដែលបានតែងតាំងដោយព្រះរាជក្រឹត្យមុនថ្ងៃទី២៤ ខែកញ្ញា ឆ្នាំ២០១៣។
