សមត្ថកិច្ចឃាត់ព្រះសង្ឃពីរអង្គ នៅវត្តសំបួរជាប់ពាក់ព័ន្ធគ្រឿងញៀន
ភ្នំពេញ៖ នៅព្រឹកថ្ងៃទី៨ ខែតុលា នេះ កម្លាំងនគរបាល ខណ្ឌដង្កោ បានចុះទៅឆែកឆេរ នៅវត្តសំបួរ ដោយឃាត់ ព្រះសង្ឃ ជាប់ពាក់ព័ន្ធ សកម្មភាព ចែកចាយ គ្រឿងញៀន ។
ការការចុះឆែកឆេរ នៅវត្តសំបួរស្ថិតនៅខណ្ឌដង្កោ ខាងលើនេះ បានធ្វើឡើងក្រោយ ពីសមត្ថកិច្ចបានឃាត់ខ្លួន ជនសង្ស័យ មួយចំនួន ពីសកម្មភាព ចែកចាយគ្រឿងញៀន ហើយជនសង្ស័យទាំងនេះ បានបង្ហាញថា មានព្រះសង្ឃនៅវត្តសំបួរចែកចាយគ្រឿងញៀនផងដែរ ពេលនោះ កម្លាំងសមត្ថកិច្ច បានសុំយោបល់ពីលោកស្នងការ ជួន សុវណ្ណ និងស្នងការរង ប៉ែន រ័ត្ន និងដឹកនាំដោយមន្រ្តី តុលាការចុះទៅឆែកឆេរតែម្តង។
មន្រ្តីនគរបាលមួយរួប បានថ្លែងឲ្យដឹងថា ព្រះសង្ឃចំនួន២អង្គ និងកូនសិស្សលោកម្នាក់ ត្រូវចាប់ខ្លួន ។ ជាមួយគ្នានេះ សមត្ថកិច្ច ក្រៅពីរកឃើញគ្រឿងញៀនមួយចំនួន សមត្ថកិច្ច បានរកឃើញសម្ភារៈប្រើប្រាស់គ្រឿងញៀន និងរឹបអូសកុំព្យួរទ័រដែលរឿងអាសអាភាសទៀតផង៕ នាង/Cambodia News