ចំណងស្នេហ៍រវាង គង់ ចាន់ស្រីមុំ គឹម សីហា ដល់ផ្លូវបំបែក
ភ្នំពេញ៖ ចំណងស្នេហ៍ចាស់វស្សារវាងតារាសម្តែងមុខស្រស់នាង គង់ ច័ន្ទស្រីមុំ និងកំលោះសង្ហាលោក គីម សីហា បានឈានដល់ផ្លូវបំបែក បន្ទាប់ពីគួស្នេហ៍មួយគូនេះសាងភាពផ្អែមល្ហែម និងស្និតស្នាលជាមួយគ្នាស្ទើរចាក់ទឹកមិនលេចអស់ជាច្រើនឆ្នាំមកនេះ។
គង់ ច័ន្ទ ស្រីមុំ បានទម្លាយពីការប្រះឆាពីចំណងស្នេហ៍របស់នាងនៅក្នុងបណ្តាញសង្គមហ្វេសប៊ុកដោយបានសរសេរនៅលើWallនៃបណ្ដាញសង្គមហ្វេសប៊ុករបស់ខ្លួនថា ចំណងស្នេហ៍រវាងនាង និងបុរសសង្ហារ លោក គឹម សីហា បានឈានមកដល់ផ្លូវបំបែកហើយ កាលពីពេលថ្មីនេះ។គង់ ច័ន្ទ ស្រីមុំ បានសរសេរនៅ Wall របស់នាងជាភាសាអង់គ្លេស ដែលមានន័យជាភាសាខ្មែរថា ” ផុតម៉ោង១២យប់នេះ ខ្ញុំនៅម្នាក់ឯងហើយ” ។
យ៉ាងណាក៍ដោយតារាស្រីរូបនេះមិនបានបញ្ជាក់អំពីមូលហេតុអ្វី ដែលធ្វើឲ្យចំណងស្នេហ៍ច្រើនឆ្នាំនិងបានសាងអនុស្សាវរីយផ្អែមល្ហែមជាមួយគ្នាស្ទើររាប់មិនអស់ទៅហើយនោះ បែជាត្រូវដាច់ដោចទៅវិញ។ ប៉ុន្តែគង់ ច័ន្ទស្រីមុំ បានបញ្ជាក់ប្រាប់មិត្តភក្តិនាងនៅក្នុងហ្វេសប៊ុកនោះថា ទាំងអស់ជាការពិត មិនមែនលេងសើចទេ។
ពាក់ព័ន្ធបញ្ហាខាងលើនេះយើងនៅមិនទាន់ហ៊ានអះអាងថាជាការពិតឬយ៉ាងណាឡើយ ដោយសារមិនទាន់មានការបកស្រាយជាក់លាក់ណាមួយពីនាង គង់ ច័ន្ទស្រីមុំ ឡើយ។
ទោះជាយ៉ាងណារឿងរ៉ាវនៃភាពប្រះឆារវាងគូស្នេហ៍មួយគូនេះមិនមែនកើតឡើងតែម្តងនេះឡើយ ពោលគឺវាបានកើតឡើងម្តងហើយម្តងទៀត ប៉ុន្តែពួកគេទាំងពីរតែងតែព្យាយាមចេញមុខមកធ្វើការបដិសេធ។
គេនៅចាំបានថា មុននេះបន្តិច បណ្ដាញសារព័ត៌មាននានា ក៏បានចុះផ្សាយពីភាពរង្គោះរង្គើនៃគូស្នេហ៍មួយគូនេះខ្លះដែរ ខណៈមានការលើកឡើងថា ស្រីមុំ ជាអ្នកសុំបែកមុន ដោយបានដើរហើរជាមួយបុរសផ្សេងជាញឹកញាប់ទៀតផង។ ប៉ុន្តែព័ត៌មាននេះក៏បានស្ងប់ស្ងាត់ទៅវិញ ដោយកាលនោះមានការបកស្រាយពីភាគីលោក គឹម សីហា ដោយអះអាងថា គ្មានរឿងដូច្នោះទេ និងស្នើសុំឲ្យឆ្លងកាត់ពូកគេសិនមុននឹងធ្វើការចុះផ្សាយ។មួយវិញទៀតមួយរយៈចុងក្រោយនេះគេតែងរមែងឃើញគង់ ច័ន្ទស្រីមុំ ច្រើនបណ្ដើរប្រុសក្មេងម្នាក់ជំនួសប្រុសស្អាត គឹម សីហា ទៅវិញរាល់ពេលចូលកម្មវិធីជួបជុំសិល្បៈនានានាំឲ្យគេសង្ស័យថា ភាពរង្គោះរង្គើលក្នុងចំណងស្នេហ៍រវាងអ្នកទាំងពីរពិតជាកើតមានពិតប្រាកដមែន៕ ស.រ/Cambodia News
