ព្រះមហាក្សត្រ មានព្រះរាជបន្ទូលថា រដ្ឋសភានីតិកាលទីប្រាំ នឹងបំពេញភារកិច្ចប្រកបដោយជោគជ័យ
ភ្នំពេញ៖ ព្រះមហាក្សត្រកម្ពុជា បានមានព្រះរាជបន្ទូលបើកកិច្ចប្រជុំលើកដំបូង របស់រដ្ឋសភា នីតិកាលទីប្រាំ ដោយមានបង្ហាញសុទិដ្ឋិនិយមថា រដ្ឋសភានីតិកាលទីប្រាំ នឹងបំពេញភារកិច្ចរបស់ខ្លួនប្រកបដោយជោគជ័យ។
នៅក្នុង សម័យប្រជុំដំបូង នៃរដ្ឋសភានីតិកាលទី៥ ឆ្នាំ២០១៣នាព្រឹកនេះ ព្រះមហាក្សត្រ បានមានព្រះរាជបន្ទូលថា រដ្ឋសភានីតិកាលទី៥ នឹងមានដំណើរការល្អ បំពេញភារកិច្ចរបស់ខ្លួនបានដោយជោគជ័យ ជូនមាតុភូមិ និងប្រជាជន។
ការប្រជុំរដ្ឋសភាបន្តទៀត នឹងត្រូវដឹកនាំដោយព្រឹទ្ធសមាជិករដ្ឋសភា គឺសម្តេច ហេង សំរិន។
របៀបវារៈសំខាន់បន្តទៀត គឺប្រកាសសុពលភាព នៃអាណត្តិសមាជិករដ្ឋសភានីមួយៗ និងការអនុម័តបទបញ្ជាផ្ទៃក្នុង៕ Cambodia News
