ប៉ូលិសសិង្ហបុរីបង្ក្រាបក្រុមឧក្រិដ្ឋកម្មប្រើល្បិចក្នុងការប្រកួតកីឡានៅជុំវិញពិភពលោក
ប៉ូលិសសិង្ហបុរីបានចាប់ខ្លួនជន សង្ស័យ ចំនួន ១៤រូប ដែលជាផ្នែកនៃក្រុមឧក្រិដ្ឋកម្មពាក់ព័ន្ធនឹងការប្រើល្បិចកំណត់ លទ្ធផលនៃការប្រកួតកីឡាបាល់ទាត់នៅជុំវិញពិភពលោក។
ប៉ូលិស បានឲ្យដឹងថា នៅក្នុងយុទ្ធនាការចុះឆ្មក់ត្រួតពិនិត្យមួយចំនួន ប៉ូលិសបានចាប់ឃុំខ្លួនបុរសចំនួន ១២នាក់ និងស្ត្រី២នាក់ ដោយនៅក្នុងចំណោមជនសង្ស័យនោះគឺមានទាំងជនដែលគេគិតថាជាមេខ្លោង ផងដែរ។
ក្រុមស៊ើបអង្កេតមួយចំនួនបានរកឃើញថា មានការប្រកួតកីឡា ដែលគេសង្ស័យចំនួន ៦៨០ក្នុងអំឡុងឆ្នាំ២០០៨ និងឆ្នាំ២០១១ ដោយរួមបញ្ចូលទាំងពីការប្រកួតមួយចំនួននៅក្នុងការប្រកួត ពានរង្វាន់សហគមន៍អឺរ៉ុប(European Champions League) ក៏ដូចជា ការប្រកួតដើម្បីចូលរួមការប្រកួតកីឡាពានរង្វាន់ពិភពលោក(World Cup)ផងដែរ៕ (Radio Australia)