ស្ថានទូតអូស្ត្រាលី ព្រមានថា បាតុកម្មនៅថ្ងៃស្អែកនេះ អាចនឹងមានអំពើហឹង្សា
ភ្នំពេញ៖ នៅថ្ងៃទី៦ ខែកញ្ញា នេះ ស្ថានទូតអូស្ត្រាលី ប្រចាំនៅកម្ពុជា បានព្រមានប្រាប់ពលរដ្ឋរបស់ខ្លួនថា បាតុកម្មរបស់គណបក្សសង្គ្រោះជាតិ នៅថ្ងៃសៅរ៍ ទី៧ ស្អែកនេះ អាចនឹងមានអំពើហឹង្សា។
សេចក្តីជូនដំណឹងរបស់ស្ថានទូតអូស្ត្រាលី និយាយថា អាជ្ញាធរកម្ពុជាបានបង្កើតប៉ុស្តិ៍ត្រួតពិនិត្យនៅជុំវិញភ្នំពេញ ដើម្បីរឹតត្បិតការធ្វើដំណើរ ហើយពង្រឹងសន្តិសុខនៅមុនការជួបជុំរបស់គណបក្សសង្គ្រោះជាតិ នៅទីលានប្រជាធិបតេយ្យ។
ស្ថានទូតអូស្ត្រាលី និយាយទៀតថា អាជ្ញាធរបានប្រាប់ដល់អ្នកធ្វើដំណើរ អោយបង្ហាញអត្តសញ្ញាណប័ណ្ណ និងហេតុផល នៃការធ្វើដំណើរមកភ្នំពេញ។
ស្ថានទូតអូស្ត្រាលី និយាយប្រាប់ពលរដ្ឋរបស់ខ្លួន អោយចៀសវាងកន្លែងមានបាតុកម្ម និងការតវ៉ា ពីព្រោះ វាអាចនឹងកើតមានអំពើហឹង្សា៕ នាង/យុវវ័យថ្មី
