សម រង្ស៊ី នៅតែទាមទារឲ្យមានការបង្កើតគណៈកម្មការ ឯករាជ្យ
ភ្នំពេញ ៖ មេដឹកនាំគណបក្សប្រឆាំង បានបដិសេធជាប្រយោលទៅនឹងការ អំពាវនាវជាថ្មីម្ដងទៀតរបស់ព្រះមហា ក្សត្រ សម្ដេចព្រះបរមនាថ នរោត្ដម សីហមុនី ព្រះមហាក្សត្រនៃប្រទេសកម្ពុជា ដែលព្រះអង្គបានស្នើឱ្យគណបក្ស នយោបាយដែលជាប់ឆ្នោតដោះស្រាយ ជម្លោះទៅតាមច្បាប់របស់ប្រទេស កម្ពុជា ប៉ុន្ដែមេដឹកនាំគណបក្សប្រឆាំង នៅតែទទូចឱ្យបង្កើតគណៈកម្មការឯក រាជ្យដើម្បីដោះស្រាយបញ្ហា ។
នៅក្នុងលិខិត របស់លោកសម រង្ស៊ី ចុះថ្ងៃទី២ ខែកញ្ញា ឆ្នាំ២០១៣ ទូលថ្វាយ ព្រះមហាក្សត្រអំពីការស្នើសុំបង្កើត គណៈកម្មការឯករាជ្យដើម្បីស៊ើបអង្កេត បញ្ហាការបោះឆ្នោត ។ នៅក្នុងលិខិត ដដែលនោះ លោកសម រង្ស៊ីក៏បានទូល ព្រះមហាក្សត្រផងដែរអំពីគម្រោងនៃ ការធ្វើមហាបាតុកម្មដោយស្មឹងស្មាធិ៍ ។ ជាមួយគ្នានោះ លោកសម រង្ស៊ីក៏បាន ស្នើទៅព្រះមហាក្សត្រឱ្យជួយរកដំណោះ ស្រាយចំពោះភាពមិនប្រក្រតីនៃការ បោះឆ្នោត ។
លោកសម រង្ស៊ីប្រធានគណបក្ស សង្គ្រោះជាតិបានទូលថ្វាយព្រះមហាក្សត្រ តបទៅនឹងសេចក្ដីអំពាវនាវមួយរបស់ ព្រះអង្គដែលស្នើសុំឱ្យអ្នកនយោបាយ ទាំងអស់ដោះស្រាយបញ្ហាជាតិដោយឈរ លើមូលដ្ឋាននៃរដ្ឋធម្មនុញ្ញ និងច្បាប់ កម្ពុជា ជាពិសេសដោយប្រើប្រាស់ស្ថាប័ន មានសមត្ថកិច្ចដែលកំណត់ក្នុងរដ្ឋធម្មនុញ្ញ និងច្បាប់កម្ពុជា ។ នៅក្នុងលិខិតរបស់ លោកសម រង្ស៊ីនោះមិនបាននិយាយ យល់ព្រមដោះស្រាយបញ្ហាបោះឆ្នោត ដែលពឹងផ្អែកទៅលើស្ថាប័នដែលមាន ស្រាប់ស្របតាមរដ្ឋធម្មនុញ្ញនិងច្បាប់ របស់កម្ពុជានោះទេ ។ ផ្ទុយទៅវិញ លោកនៅតែទាមទារឱ្យមានការបង្កើត គណៈកម្មការឯករាជ្យដដែល ៕ Cambodia News