ប្រទេសនៅអាស៊ីខាងជើងទទួលរងការប៉ះពាល់ធ្ងន់ពីអាកាសធាតុក្តៅខ្លាំង
សីតុណ្ហភាពក្តៅខ្លាំងនៅអាស៊ី ខាងជើង បានសម្លាប់មនុស្សអស់ជាច្រើននាក់ ហើយធ្វើឲ្យបណ្ដាញបញ្ជូនចរន្តអគ្គិសនីស្ទើរតែលែងដំណើរការ។
ប្រជាពលរដ្ឋ រាប់ពាន់នាក់ក្នុងប្រទេសជប៉ុន បានគេនាំទៅទទួលការព្យាបាលនៅមន្ទីរពេទ្យ ដោយសារការអាការៈប៉ះពាល់ពីកម្តៅសីតុណ្ហភាព
ចំណែកនៅឯ ប្រទេសចិនវិញ កន្លែងដែលធ្លាប់ជាជម្រកសម្រាប់គេចពួនពីការវាយប្រហារផ្លូវ អាកាស ត្រូវបានគេប្រើប្រាស់ជាជម្រកបណ្តោះអាសន្នដើម្បិគេចពីកម្ដៅ។
នៅតាមអគារសាធារណៈក្នុងប្រទេសកូរ៉េខាងត្បូង ម៉ាស៊ីនត្រជាក់ត្រូវបានបិទចោល ខណៈពេលដែលមានការព្រមានអំពីការខ្វះអគ្គិសនីប្រើប្រាស់។
គេឲ្យដែរថាកម្រិតកម្តៅធាតុអាកាសខ្ពស់ជាង ៤០ អង្សាសេ បានបណ្តាលមកពីប្រព័ន្ធសម្ពាធខ្ពស់ជាច្រើនស្រទាប់ក្នុងប្រព័ន្ធ អាកាសធាតុ មាននៅស្ទើរទូទាំងតំបន់អាស៊ីខាងជើង៕ (Radio Australia)
