ប្រជាពលរដ្ឋ ក្នុងសង្កាត់ផ្សារដេប៉ូទី១ ប្រទះឃើញគ្រាប់ M79 ពីរគ្រាប់នៅមុខផ្ទះ
ភ្នំពេញ៖ កាលពីព្រឹកថ្ងៃទី៨ខែសីហា ឆ្នាំ២០១៣នេះ ក្បាលគ្រាប់ M79 ចំនួន២គ្រាប់ ត្រូវបានម្ចាស់ផ្ទះ ដែលរកស៊ី ថតរូបក្នុង ពិធីមង្គលការ ប្រទះឃើញនៅមុខផ្ទះ ស្ថិតនៅផ្ទះលេខ៧៤អា ផ្លូវលេខ១៥៦កែងផ្លូវលេខ២២៦ សង្កាត់ផ្សារដេប៉ូទី១ ខណ្ឌទួលគោក ។
អធិការនគរបាល ខណ្ឌទួលគោក លោក ហ៊ួត ចាន់យ៉ារ៉ាន់ បានឲ្យដឹងថា ពិតជាមានការប្រទះ ឃើញក្បាលគ្រាប់ M79 មែន នៅមុខផ្ទះប្រជាពលរដ្ឋ មិនមែន ជាការដាក់បង្កៃ គ្រាប់បែកនោះឡើយ ជាព័ត៌មានបំប៉ោង សភាពការណ៍តែប៉ុណ្ណោះនូវការលើកឡើង របស់ជនខិលខូចទាំងនេះ។
សេចក្តីរាយការណ៍ ពីកន្លែងកើតហេតុ បានឲ្យដឹងថា នៅពេលម្ចាស់ផ្ទះ មានឈ្មោះ គួន ម៉ៅ អាយុ៥៣ឆ្នាំ រកស៊ី ថតរូប នៅក្នុងពិធីមង្គលការ បានឃើញក្បាលគ្រាប់ នេះចំនួន២គ្រាប់ នៅមុខ ផ្ទះរបស់គាត់ នៅពេលដែលបើកទ្វារ កាលពីព្រឹកមិញ។
ក្រោយកើតហេតុ កម្លាំងនគរបាលមូលដ្ឋាន កម្លាំងនគរបាលជំនាញ និងមន្រ្តីស៊ីម៉ាក់ ចុះទៅពិនិត្យមើល នៅកន្លែងកើតហេតុផងដែរ៕ Cambodia News