ជាតិវិទ្យុសកម្មពីថាមពលនុយក្លេអ៊ែរនៅបាទសមុទ្របានឡើងហួសកម្រិតដែលអាចទប់ស្កាត់
មន្ត្រីឃ្លាំមើលគម្រោងនុយក្លេអ៊ែរ មួយរូប របស់ជប៉ុន បានឲ្យដឹង ជាតិវិទ្យុសកម្មនៅបាទសមុទ្របង្កដោយការឆេះរោងចក្រផលិតថាមពល នុយក្លេអ៊ែរនៅ Fukushima នោះ បានឡើងហួសកម្រិតដែលអាចទប់ស្កាត់បាន។
មន្ត្រីជាន់ខ្ពស់នៃភ្នាក់ងារនិយ័តកម្មនុយក្លេអ៊ែរ បាននិយាយថា ជាតិវិទ្យុសកម្មនៅក្រោមសមុទ្រ ហាក់ដូចជាមានការកើនឡើង ហួសពីកម្រិតដែលអាចទប់ស្កាត់បាន។ មកដល់ពេលនេះ រោងចក្រនេះឋិតនៅក្នុងស្ថានភាពអាសន្ន ។ TEPCO ដែលជាក្រុមហ៊ុនផលិតថាមពលនុយក្លេអ៊ែរនៅ Fukushima នេះ កំពុងតែព្យាយាម ពុះពារទប់ស្កាត់លំហូរទឹកបាទសមុទ្ររាប់តោនលីតដែលហូរចូលក្នុង ម៉ាស៊ីនផលិតនុយក្លេអ៊ែរជារៀងរាល់ថ្ងៃ ដែលនេះនឹងធ្វើឲ្យទឹកនេះកាន់តែមានការកើនឡើងនៃជាតិពុលយ៉ាង ឆាប់រហ័ស។
យ៉ាងណាមិញ ក្រុមហ៊ុនខាងលើនេះ ក៏ធ្លាប់ទទួលបានការថ្កោលទោស ម្តងហើយ ចំពោះ ការដែលមិនបាន ផ្តល់ព័ត៌មានជាសាធារណៈអំពីការធ្លាយសាយភាយនៃជាតិវិទ្យុសកម្ម ចូលទៅក្នុងមហាសមុទ្រ ប៉ាស៊ីហ្វិកនោះ បើទោះបីជាខ្លួន បានដឹងអំពីស្ថានការនេះជាច្រើនសប្តាហ៍មុនហើយក្តី៕(Radio Australia)
