ប្រជាពលរដ្ឋហ្វីលីពីន ១លាននាក់ទទួលរងការកាត់ផ្តាច់ចរន្តអគ្គិសនី
ប្រជាពលរដ្ឋប្រមាណជា ១លាននាក់ ដែលរស់នៅក្នុងខេត្តAlbay នៃប្រទេសហ្វីលីពីន បានទទួលរងការកាត់ផ្តាច់ចរន្តអគ្គិសនី ដោយសាររដ្ឋាភិបាលមិនបានសងបំណុលដល់ក្រុមហ៊ុនផ្តល់ថាមពលអគ្គិសនី Albay Electric Co-Operative អស់រយៈពេល ១៥ ឆ្នាំមកហើយ។
មន្ទីពេទ្យ សណ្ឋាគារ និងប្រលានយន្តហោះនៅក្នុងខេត្តនេះបានប្រើម៉ាស៊ីនភ្លើងរបស់ខ្លួនផ្ទាល់ ក្រោយពីមានការផ្តាច់ចរន្តអគ្គិសនី នារសៀលថ្ងៃអង្គារម្សិលមិញនេះ ខណៈដែលក្រុមហ៊ុនអាជីវកម្មទាំងឡាយត្រូវបិទទ្វារនិងប្រជាជនត្រូវជំនះនឹងអាកាសធាតុត្រជាក់។
រដ្ឋាភិបាលហ្វីលីពីនបានឲ្យដឹងថាការកាត់ផ្តាច់ថាមពលអគ្គិសនីនេះគឺដោយសារខ្លួនមិនបានបង់ថ្លៃសេវាអគ្គិសនីចំនួន ៩៣លានដុល្លារ ឲ្យក្រុមហ៊ុន Albay ដោយរាប់គិតចាប់តាំងពីឆ្នាំ ១៩៩៨ មក ។មន្ត្រីរដ្ឋាភិបាលទាំងថ្នាក់ខេត្ត និងក្នុងតំបន់ បានចោទប្រកាន់ ក្រុមហ៊ុនAlbay ថាបានគ្រប់គ្រងការបូកបំណុលអគ្គិសនីមិនត្រឹមត្រូវ។
យ៉ាងណាម៉ិញ ថាមពលអគ្គិសនីត្រូវបានតភ្ជាប់មកវិញ លើកលែងតែសម្រាប់អតិថិជនធំៗ ចំនួន១០០ តែប៉ុណ្ណោះ៕ (Radio Australia)