សហរដ្ឋអាម៉េរិកផ្អាកការបញ្ជូនយន្តហោះចម្បាំងទៅអេហ្ស៊ីប
ប្រធានាធិបតីនៃសហរដ្ឋអាម៉េរិកលោក Barack Obama បានផ្អាកផែនការបញ្ជូនយន្តហោះចម្បាំងធុន F-16 ទៅកាន់ប្រទេសអេហ្ស៊ីប ដោយសារតែប្រទេសនេះកំពុងតែបន្តជួបនឹងអស្ថិរភាពនយោបាយ។
មន្ទីរ បញ្ជាការទ័ពប៉ងតាហ្កោនរបស់យោធាអាម៉េរិកនិយាយថា សេចក្ដីសម្រេចចិត្តរបស់លោកប្រធានាធិបតីនេះបានទទួលការគាំទ្រយ៉ាង ពេញទំហឹងពីក្រុមការងារផ្នែកសន្ដិសុខជាតិរបស់អាម៉េរិក។
សហរដ្ឋ អាម៉េរិក មិនទាន់បានធ្វើការសម្រេចចិត្តចំពោះការដកតំណែងប្រធានាធិបតី អេហ្ស៊ីប Mohamed Morsi ថាជាទង្វើរដ្ឋប្រហារ ឬយ៉ាងណានៅឡើយទេ ពីព្រោះថាបើសិនជាបញ្ហានៅអេហ្ស៊ីបជារឿងរដ្ឋប្រហារ វាជាកត្ដាផ្លូវច្បាប់មួយនឹងអាចឈានទៅរកការកាត់ផ្ដាច់ជំនួយ៕ (Radio Australia)
