គណបក្សប្រជាជនកម្ពុជា និងគណបក្សសង្គ្រោះជាតិ សាកកម្លាំងពេលលោកសមរង្ស៊ី មកដល់
Cambodia Mews/
ភ្នំពេញ៖ នៅព្រឹកថ្ងៃទី១៩ ខែកក្កដានេះ គណបក្សធំចំនួនពីរ គឺគណបក្សប្រជាជនកម្ពុជា និងគណបក្សសង្គ្រោះជាតិ បានប្រមូលកម្លាំងទ្រង់ទ្រាយធំ ដើម្បីជួបជុំគ្នាធ្វើការឃោសនា នៅភ្នំពេញ។
ដោយគណបក្សសង្គ្រោះជាតិ បានប្រមូលកម្លាំង ដើម្បីទទួលលោកសមរង្ស៊ី ដែលមកដល់នៅម៉ោង ៩ ព្រឹកនេះ រីឯគណបក្សប្រជាជនកម្ពុជា ក៏បានប្រមូលផ្តុំ នៅតាមសួនច្បារ ទីប្រជុំជន ទីស្នាក់ការបក្ស និងនៅកោះពេជ្រ។
នៅ ព្រលានយន្តហោះ សកម្មជនគណបក្សសង្គ្រោះជាតិរាប់ពាន់នាក់ បានប្រមូលម្តុំ នៅលើផ្លូវ មុខព្រលានយន្តហោះ ដោយប៉ូលិសមិនអនុញ្ញាតឲ្យចូលក្នុងឡើយ។ ចំណែកនៅទីលានប្រជាធិបតេយ្យ សកម្មជនគណបក្សសង្គ្រោះជាតិ ក៏បានប្រមូលផ្តុំ រង់ចាំទទួលលោកសមរង្ស៊ីផងដែរ៕
